Germaniya o‘tgan hafta davomida Toshkent orqali Afg‘onistondan 2 mingdan ortiq fuqaroni evakuatsiya qildi. Bu haqda Germaniya TIV matbuot xizmati o‘zining Facebook’dagi sahifasi orqali xabar berdi.
Ma’lum qilinishicha, Germaniya, Yevropa Ittifoqi va Afg‘oniston fuqarolari 22-avgust kuniga qadar 18 ta aviareys bilan Kobuldan Toshkentga olib kelingan.
“Evakuatsiya qilinayotganlar aeroportda zarur mahsulotlar va dorilar bilan ta’minlanmoqda, shuningdek, COVID-19 ga test topshirilgach, Germaniyaga maxsus reyslarda yuborilyapti”, — deyiladi xabarda.
Kobuldan harbiy samolyotlar evakuatsiyani amalga oshirayotgan bo‘lsa, Toshkentdan esa fuqarolar Lufthansa va Uzbekistan Airways orqali olib ketilmoqda.
Avvalroq “Tolibon” Afg‘onistondagi sikhlar va hindlarning Hindistonga evakuatsiya qilinishiga ruxsat bermagani, Kobul aeroporti 48 soatga yopilishi, afg‘onlar O‘zbekiston chegarasini qonuniy ravishda kesib o‘tishning ayyorona yo‘lini topgani to‘g‘risida xabar berilgandi.
Izoh (0)