Бухоро тиббиёт институтига ўқишга киритиб қўйишни ваъда қилиб, фуқародан 5600 доллар олган андижонлик йигит қўлга олинди. Бу ҳақда «Дарё»га Бош прокуратура ҳузуридаги иқтисодий жиноятларга қарши курашиш департаментининг Бухоро вилоят бошқармаси хабар берди.
Таъкидланишича, мазкур ҳолат Бош прокуратура ҳузуридаги Бухоро шаҳар бўлими ҳамда ДХХ ходимлари томонидан ўтказилган тезкор тадбирда фош этилган.Андижон вилоятининг Олтинкўл туманидаги «Кумакай» маҳалласида яшовчи 29 ёшли В.З. бухоролик фуқаро Р.Ш.нинг ишончига кириб, уни Қирғизистон давлати олий таълим муассасасига танишлари орқали ўқишга киритиб, кейинчалик унинг ўқишини Бухоро тиббиёт институтига кўчиришга ваъда берган. В.З. фуқаро Р.Ш.дан хизматлари эвазига 5600 доллар олаётган пайтда қўлга олинган.
Мазкур ҳолат юзасидан В.З.га нисбатан Жиноят кодексининг 168-моддаси (фирибгарлик) билан жиноят иши қўзғатилиб, дастлабки тергов ҳаракатлари олиб борилмоқда.
Мавзуга доир:
- Бухорода оғир касал эканини айтиб, фуқаро ишончига кирган ва унинг пластик карточкасидан салкам 1 млн сўм ечиб олган қизга жиноят иши очилди
- Андижонда 3 минг доллар эвазига талабанинг ўқишини Тошкент давлат юридик университетига кўчириб бермоқчи бўлган шахс ушланди
- Андижонда суд орқали ердан фойдаланиш ҳуқуқини берувчи қарорни чиқартириб беришни ваъда қилиб, 300 доллар олган шахс қўлга олинди
Изоҳ (0)