«Спартак» ярим ҳимоячиси Остон Ўрунов «Уфа»га қайтди. Бу ҳақда москваликлар клуби матбуот хизмати маълум қилди.
Уфаликлар 20 ёшли футболчини 2022 йил июнь ойига қадар сотиб олиш ҳуқуқи билан ижарага олди. Маълум шартлар бажарилганда сотиб олиш ҳуқуқи мажбуриятга айланади.
Маълумот учун, Ўрунов 2020 йилнинг август ойида 1 миллион евро эвазига «Уфа»дан «Спартак»ка ўтганди. Аммо у пойтахт клубида мунтазам ўйин амалиётига эга бўлмади ва 2021 йилнинг февралида ижара асосида «Уфа»га қайтди. Остон 2021/22 йилги мавсумни «Спартак»нинг иккинчи жамоасида бошлади. Москваликлар уни РПЛ қайдномасига ҳам киритмаганди.
Остон Россия чемпионатининг 2020/21 йилги мавсумида 14 та ўйинда майдонга тушиб, бирорта самарали ҳаракатни амалга оширмади.
Изоҳ (0)