Ўзбекистон Кубогининг 1/8 финалидан ўрин олган икки ўйин 18 август, сешанба куни ўтказилди.
Самарқанднинг «Динамо» клуби «Олимпик»ка қарши баҳс олиб борди. Учрашувнинг асосий вақтида 1:1 ҳисоби қайд этилди. Қўшимча бўлимларда ҳам жамоалар бир мартадан рақиб дарвозасини ишғол қилди. Пенальтилар сериясида омад олимпиячиларга кулиб боқди.
Яна бир баҳс «Шўртан» ва «Қизилқум» ўртасида кечди. Аввалига ғузорликлар Маъруф Жумаевнинг голи эвазига олдинга ўтиб олди. Бунга Навоий жамоаси Ислом Кенжабоевнинг дубли билан жавоб қайтарди.
17 август куни «Сурхон» «Машъал»ни минимал ҳисобда мағлуб этиб, кейинги босқичга йўл олганди.
Ўзбекистон Кубоги
1/8 финал баҳслари
18 август, сешанба
«Динамо» — «Олимпик» 2:2
Пенальтилар серияси — 3:5Голлар: 0:1 – 65 Русланбек Жиянов, 1:1 – 68 Рўзимбой Аҳмедов, 1:2 – 95 Элдорбек Бегимов, 2:2 – 120 Дмитро Сидоренко.
Четлатиш: Муҳаммадқодир Ҳамралиев – 97 («Динамо»).
Изоҳ (0)