«Рома» клуби бош мураббийи Жозе Моуриньо римликларнинг янги ҳужумчиси Элдор Шомуродов ҳақидаги фикрлари билан ўртоқлашди.
Элдорни нега сотиб олдик, чунки бизга ҳаракатчанлик, тезлик ва ҳужумдаги мобиллик керак эди. Бу трансфердан жуда мамнунмиз. Охир-оқибат реакция ақл бовар қилмас даражада бўлди.Шомуродов римликларнинг «Бетис»га қарши назорат ўйинида (2:5) гол урди. «Ража» клубига қарши ўйинда (5:0) эса битта гол ва голли узатма муаллифига айланди.Буни кўпчилик кутмаганди, чунки ҳозирги қийин трансфер бозорида бундай футболчини қўлга киритиш яхши натижа.
У келган кунидан икки кун ўтиб ўзини кўрсатди. «Бетис»га қарши ўйинда яхши ҳаракат қилди, иккита голда қатнашди ва биз қандай футболчи қўлга киритганимизни кўрсатиб қўйди.
Жозе Моуриньо, «Рома» бош мураббийи
Рим клуби Элдор Шомуродовни «Женоа»дан 17,5 миллион евро эвазига харид қилди. Шомуродов «Рома» билан 2026 йил 30 июнига қадар мўлжалланган шартнома имзолади. Ўзбекистон миллий терма жамоаси ҳужумчиси янги клуби сафида 14-рақамда ҳаракат қилади.
Шомуродов 2020/21 йилги мавсум бошида «Ростов»дан 7,5 миллион евро эвазига «Женоа»га ўтганди. Бунгача у «Машъал» ва «Бунёдкор» клубларида тўп сурган. Элдор 2019/20 йилги мавсумда А Серияда 31 та ўйин ўтказиб, 8 та гол уришга муваффақ бўлди.
Изоҳ (0)