Футбол бўйича Германия Суперкубогидан ўрин олган ўйинда «Бавария» 17 август, сешанба куни «Боруссия Д» билан куч синашди.
Дортмундда кечган беллашув «Бавария»нинг 3:1 ҳисобидаги ғалабаси билан якунланди. Мюнхен клуби сафида Роберт Левандовски дублга эришди. Польшалик ҳужумчи, шунингдек, Томас Мюллернинг голига ассистентлик қилди. «Арилар»нинг жавоб тўпига эса Марко Ройс муаллифлик қилди.
«Бавария» ўз тарихида 9 марта Германия Суперкубогини қўлга киритди. Бу мюнхенликларнинг янги устози Юлиан Нагелсманн учун клуб бошқарувидаги илк соврин бўлди.
Германия Суперкубоги
17 август, сешанба
«Боруссия Д» — «Бавария» 1:3
Голлар: 0:1 – 41 Левандовски, 0:2 – 49 Мюллер, 1:2 – 64 Ройс, 1:3 – 74 Левандовски.«Боруссия Д»: Кобел, Пасслак (Вольф, 84), Шульц, Аканжи, Беллингҳем (Рейнер, 84), Витцель, Дауд, Рейна (Пашалич, 78), Ройс, Мукоко (Мален, 58), Ҳоланд.
«Бавария»: Нойер, Станишич (Сарр, 87), Упамекано, Дэвис, Зюле, Горетцка, Киммих, Мюллер (Мусиала, 73), Коман (Сане, 49), Левандовски (Шупо-Мотинг, 88), Гнабри (Толиссо, 73).
Огоҳлантиришлар: Зюле (23), Ройс (25), Дауд (32), Сане (83).
Изоҳ (0)