Ўзбекистонда 2021 йилнинг январь—июнь ойларида йирик корхоналар томонидан 546,5 минг тонна автомобиль бензини ишлаб чиқарилган. Бу ҳақда Давлат статистика қўмитаси хабар берди.
Таъкидланишича, 2020 йилнинг шу даврига нисбатан бензин ишлаб чиқариш ҳажми 4,6 фоизга ўсган.
Автомобиль бензини ишлаб чиқариш 2021 йилнинг
- январь ойида — 93,9 минг тонна;
- январь—февраль ойларида — 185,3 минг тонна;
- январь—март ойларида — 291,3 минг тонна;
- январь—апрель ойларида — 368,6 минг тонна;
- январь—май ойларида 456,2 минг тоннани ташкил этган.
Бухорода 2021 йил бошидан буён QuWatt бренди остида Аи-95 бензинини ишлаб чиқараётган нефтни қайта ишлаш заводи жойлашган. У двигатель клапанларини 80 фоизгача чўкмалардан тозалашнинг юқори даражасини таъминлайди.
Аввалроқ Бухоро нефтни қайта ишлаш заводида Аи-80 маркали бензин ишлаб чиқаришдан бутунлай воз кечиш режалаштирилаётгани тўғрисида хабар берилганди.
Изоҳ (0)