Дунё бўйлаб 12 август куни олинган суратларни тақдим этамиз.
Туркиянинг Мерсин соҳилида сувга интилаётган йўқолиб кетиш хавфи остида бўлган денгиз тошбақаларининг болалари. Фото: Getty Images
Ўрта Ер денгизи мамлакатларида аномал иссиқ об-ҳаво кузатилмоқда. Баъзи ҳудудларда ҳаво ҳарорати бўйича рекордлар ўрнатилди. Суратда: Испаниянинг Кордоба шаҳри аҳолиси фаввора яқинида салқинланмоқда. Фото: EPA
Швейцариянинг Фалкнис чўққиси яқинида (денгиз сатҳидан 2562 метр баландликда) ўтлаб юрган қўйлар подаси. Фото: EPA
Новосибирскда «Ғалаба поезди. Улуғ Ватан уруши даврида фан» деб номланган сайёр кўргазмаси йўлга қўйилди. Фото: «ТАСС»
Мексикада Corona Open Mexico сёрфинг мусобақасида қатнашаётган бразилиялик Матеус Херди. Фото: Getty Images
Ер аҳолиси ноёб астрономик ҳодисани — Персид метеор ёмғирини кузатиши мумкин. Метеор ёмғир ҳар йили 17 июлдан 24 августгача фаол бўлади. Унинг максимал фаоллиги 12 августга тўғри келади. Суратда: Хитойнинг Шинжон-Уйғур автоном ҳудуди осмонида кузатилган метеор. Фото: Getty Images
Кучли ёмғир Рейнланд-Пфальц (Германия) федерал штатининг шимолидаги Аҳр дарёсида тошқин келтириб чиқарди ва водийнинг катта қисмини сув босди. Фото: Getty Images
Китода фуқаролар май ойининг охирида ўз лавозимига киришган Эквадор президенти Гильермо Лассога қарши норозилик намойиши ўтказди. Фото: Getty Images
Австралиянинг Мельбурн шаҳридаги карантин чекловлари Виктория штатида COVID-19 инфекциясининг 20 та янги ҳолати қайд этилганидан сўнг бир ҳафтага узайтирилди. Фото: EPA
Калифорния тарихидаги энг йирик ёнғин бўлган Дикси ўрмон ёнғини кенгайишда давом этмоқда. Унинг оқибатида камида 1000 та бино вайрон бўлган, улардан 550 таси турар жой бинолари. Фото: Getty Images
Олимпиада медалларини қўлга киритган эгизаклар Жессика (чапда) ва Женнифер Гадирова ғалабани Буюк Британиядаги Эйлсбери-Вейл академиясида нишонламоқда. Фото: PA
Туркиянинг Анталия шаҳрида ювилган гиламлар жазирама қуёш остида қуритилмоқда. Фото: EPA
Англиянинг Лейк округидаги Кесвик яқинида осмонни қоплаган булутлар. Фото: PA
Ғазни вилояти марказини қўлга киритган «Толибон» ҳаракати аъзолари. Фото: AP Photo
Фаластинликлар Исроилда металлоломга сотилган эҳтиёт қисмлардан қурилган самолётда ресторан очишни режалаштирмоқда. Фото: Reuters
Хитойда ярим ҳарбий полиция ходимлари кучли ёғингарчиликдан кейин сув тошқинида қолган аҳолини эвакуация қилмоқда. Фото: Reuters
Эквадорнинг Кито шаҳрида асосий товарлар қимматлиги ва нефть нархининг кўтарилишига қарши митинг пайтида намойишчилар билан тўқнашган полиция ходими ва унинг ити. Фото: EPA
Индонезиядаги қабристонда COVID-19 дан вафот этган аёлни дафн қилаётган кўнгиллилар. Фото: Getty Images
Ёқутистондаги ўрмон ёнғинлари оқибатида тутун билан қопланган шаҳар. Фото: AP Photo
Буюк Британияда каклик ови мавсуми бошланди. Фото: PA
Уханда COVID-19 таҳлили учун намуна топшираётган қизча. Фото: AFP
Аввалги кунларнинг фотогалереялари :
Мессини қутлаётган Париж, Рим Папасига кутилмаган қўнғироқ, парашютдан сакраш мусобақаси. 11 август суратлари «Камп Ноу»дан юлиб ташланаётган Месси сурати, Афғонистон чегарасидаги ҳарбий машғулотлар, ўз расми фонида қабул ўтказаётган Наманган ҳокими. 10 август суратлари Туғилган кунини нишонлаётган панда, уйга қайтаётган филлар, Мексикадаги осма транспорт. 9 август суратлари Фарғонада уйгача кирган сел, Месси билан хайрлашган мухлис, сўнгги йўловчини кутаётган поезд. 6 август суратлари Ўзбекистонда бошланган имтиҳонлар, Лувр учун навбат, уйи бузилган фаластинлик. 5 август суратлари Халқаро ҳаво шарлари фестивали, ўзаро тўқнашган поездлар, қуриб қолган кўлдаги қайиқ. 4 август суратлари Вакцина олишга келган «махлуқ», кўлда ҳосил бўлган торнадо, ўрмон ёнғинлари сабаб тўсилган қуёш. Ҳафта суратлари
Изоҳ (0)