O‘zbekistonda 2021-yilning yanvar—iyun oylarida yirik korxonalar tomonidan 546,5 ming tonna avtomobil benzini ishlab chiqarilgan. Bu haqda Davlat statistika qo‘mitasi xabar berdi.
Ta’kidlanishicha, 2020-yilning shu davriga nisbatan benzin ishlab chiqarish hajmi 4,6 foizga o‘sgan.
Avtomobil benzini ishlab chiqarish 2021-yilning
- yanvar oyida — 93,9 ming tonna;
- yanvar—fevral oylarida — 185,3 ming tonna;
- yanvar—mart oylarida — 291,3 ming tonna;
- yanvar—aprel oylarida — 368,6 ming tonna;
- yanvar—may oylarida 456,2 ming tonnani tashkil etgan.
Buxoroda 2021-yil boshidan buyon QuWatt brendi ostida Ai-95 benzinini ishlab chiqarayotgan neftni qayta ishlash zavodi joylashgan. U dvigatel klapanlarini 80 foizgacha cho‘kmalardan tozalashning yuqori darajasini ta’minlaydi.
Avvalroq Buxoro neftni qayta ishlash zavodida Ai-80 markali benzin ishlab chiqarishdan butunlay voz kechish rejalashtirilayotgani to‘g‘risida xabar berilgandi.
Izoh (0)