Picodi.com tahlil bo‘limi dunyoning turli mamlakatlarida o‘rtacha ish haqiga qancha litr benzin sotib olish mumkinligini aniqladi, deb yozmoqda Spot.
Benzin qimmatlamoqda
2021-yilning birinchi yarmida iqtisodiyotning bosqichma-bosqich tiklanishi va benzin narxlarining 2020-yilning shu davriga nisbatan o‘sishi qayd etildi. Narxlarning keskin ko‘tarilishi Armaniston (+22,8 foiz), Gruziya (+17,4 foiz), va Ukrainada (+13,7 foiz) kuzatildi- O‘zbekistonda yoqilg‘i narxi 7,7 foizga, Qirg‘izistonda — 12,6 foizga, Qozog‘istonda — 6,7 foizga, Rossiyada 5,5 foizga oshdi;
- Uning narxi faqat Turkmanistonda pastladi;
- Yevropa va MDH davlatlari orasida eng arzon yoqilg‘i Qozog‘istonda — litri 0,43 dollardan.
O‘rtacha ish haqiga qancha benzin sotib olish mumkin?
Bu borada 2021-yilda Germaniya 1786 litr benzin bilan yetakchi bo‘ldi. Ikkinchi o‘rinni Shvetsiya (1771 litr), uchinchi o‘rinni esa Finlyandiya (1589 litr) egalladi.
Rossiyada o‘rtacha qatlamdagi aholi ish haqiga 938 litr benzin sotib olishi mumkin (8-o‘rin). Ozarbayjonda o‘rtacha oylikka 561 litr benzin sotib olish mumkin. Gruziyada bundan 200 litr kam benzin sotib olsa bo‘ladi — 359 litr (21-o‘rin).
O‘zbekistonda esa o‘rtacha maoshga 317 litr benzin sotib olish mumkin, 2020-yilda 330 litr olish mumkin edi.
Benzinning o‘rtacha ish haqiga nisbati bo‘yicha reytingning eng yuqori o‘rinlarini Fors ko‘rfazi mamlakatlari egalladi:- Qatar — 6 532 litr;
- Saudiya Arabistoni — 5 170 litr;
- Kuvayt — 5 158 litr.
Mavzuga doir: O‘zbekistonda benzin narxi yil boshidan buyon 17 foizga qimmatlashdi — Statistika qo‘mitasi
