Болливуд киносаноатидаги баъзи актёр ва актрисалар реал воқеаларга асосланган фильм олишга арзигулик тақдирга эга. Уларнинг баъзилари ҳақида маълумот берамиз.
Ражикант
Кино саноатига киришдан олдин Ражикант турли ишларни қилган. Аввалига у дурадгорлик билан шуғулланган, кейин автобус кондуктори бўлиб ишга жойлашган. Карьерасини бир нечта спектаклларда роль ижро этишдан бошлаган Ражикант Мадрас кинематография институтига актёрлик факультетига ўқишга кирган. Унинг дебют роли 1975 йилда «Нодир оҳанглар» фильмида бўлган.
Сонакши Синҳа
Сонакши коллежни тугатиб, фаолиятини дизайнерликдан бошлаган. У «Юрагим бошқасига тегишли» (2006) лойиҳасида либослар дизайнери сифатида ишлаган. Сонакши фильмдаги роллар учун курашмасди, чунки у таниқли кинематографлар оиласидан эди. 2010 йилда Салмон Хон уни «Қўрқмас» фильмини суратга олиш жараёнларига олиб боради, шундан сўнг Сонанинг актрисалик фаолияти бошланади.
Акшай Кумар
Акшай дастлаб жанг санъати бўйича дарс бериш ниятида Бангкокка кўчиб ўтган. У ерда у аралаш жанг санъатини ўргана бошлайди, шунингдек, официант ва вино мутахассиси бўлиб ишлайди. Ҳиндистонга қайтгач, Акшай жанг санъати бўйича мураббий сифатида ишга жойлашди. Шогирдларидан бири уни ўзини модель сифатида синаб кўришга таклиф қилганида унинг ҳаёти тубдан ўзгариб кетишини хаёлига ҳам келтирмаган бўлса керак. Модель сифатида шартнома имзолагач, тез орада унга «Қасам» фильмидаги бош роль таклиф қилинган (1991).
Паринити Чопра
17 ёшида Паринити таълим олиш учун Лондонга жўнаб кетган. У «Манчестер Юнайтед» фан-клубининг таъминот бўлимини бошқарган, бу унга футбол ҳақида кўп нарса билиб олишига имкон берган. 2009 йилда бўлажак актриса Мумбайга қайтиб келади ва шу ерда амакиваччаси Приянка Чопра билан яшайди. У фаолиятини Yash Raj Films’да стажёр сифатида бошлаган. 2011 йилда у «Хонимлар Рики Баҳлага қарши» фильмида дебют ролини ижро қилган.
Ранвир Сингҳ
АҚШнинг Индиана университетидаги ўқишини тугатгандан сўнг, Ранвир Ҳиндистонга қайтади ва реклама соҳасида ишлай бошлайди. У кинодаги дебютини 2010 йилда Yash Raj Films’нинг «Тўй маросими» фильмида ижро этади, унда Анушка Шарма билан бирга роль ўйнади. Ҳозирда у Болливуд юлдузларидан бири ҳисобланади.
Ритеш Дешмух
Ритеш архитектура йўналишида диплом олгач, бир йил чет эл фирмасида мутахассислиги бўйича ишлайди. Унинг кинодаги карьераси 2003 йилда Болливуднинг «Сенга қасамёд қиламан» фильмидан бошланган, у бўлажак рафиқаси Женелия ДъСоуза билан бош ролни ўйнаган.
Боман Ирони
Боман Мумбай коллежида официантлар тайёрлашнинг икки йиллик дастурини тамомлаган ва бир неча йил Тож Маҳалда официант бўлиб ишлаган. Кейин у фотожурналист сифатида ишга жойлашган, ниҳоят 41 ёшида биринчи марта кинода суратга тушган.
Мавзуга доир:
Изоҳ (0)