Қиролича Елизавета II томонидан Виндзорларга ҳадя қилинган ҳашаматли уйлар (фото)

Буюк Британия қироличаси Елизавета II нинг совғалари ҳар доим ўз миқёси ва мақомининг аҳамияти билан ажралиб туради. Шу билан бирга, нафақат қироллик унвонлари, балки резиденциялар ҳам совға сифатида бериб турилади.

Анмер-Ҳолл (Кембриж герцоги ва герцогиняси)

Резиденция Елизавета II дан Кейт ва Уильямга тўй совғаси сифатида ҳадя қилинган. Бу ҳашаматли 10 хонали уй Норфолкдаги Сандрингем штатида жойлашган. 2017 йилгача бу уй жуфтликнинг расмий қароргоҳи ҳисобланар эди, лекин улар Лондонда кўпроқ вақтларини қиролича хизматида бўлиб, хайрия лойиҳаларини амалга ошира бошладилар. Бугунги кунда герцог ва герцогиня Кенсингтон саройида яшайди, лекин улар ҳали ҳам Анмер-Ҳоллни жуда яхши кўришади. Ғарб оммавий ахборот воситаларининг ёзишича, улар карантин пайтида вақтларини шу ерга ўтказишган.

Геткомб-парк (малика Анна ва Марк Филиппс)

1976 йилда малика Анна Марк Филиппсга турмушга чиққанида онаси Глостерширдаги Геткомб-парк қароргоҳини сотиб олган. Кейинчалик эр-хотиннинг ажрашишига қарамай, малика ҳозирги кундаги турмуш ўртоғи Сер Тимоти Лоуренс, шунингдек, қизи Зара Тиндалл ва унинг оиласи билан шу ерда яшайди. Малика Анна моҳир чавандоз бўлиб, бу ерда спорт фестивалларини ҳам ўтказади.

Бегшот-парк (шаҳзода Эдвард ва Уэссекс герцогиняси)

Бегшот-парк 1631 йилдан буён оила тассарруфида бўлса-да, қонуний жиҳатдан қироллик мулки ҳисобланади. Бироқ қиролича ўзининг кичик ўғли Уэссекс графи Эдвард ва Софига турар жой биносини, отхоналарини ва кичик уйни ижарага берган.

Ҳозирда бу улуғвор бино уларнинг болалари —  Луиза Виндзор хоним ва Жеймс виконт билан яшайдиган уйи ҳисобланади. Қаср 1879 йилда қурилган ва 120 хонадан иборат.

Саннингҳилл-парк (шаҳзода Эндрю ва Сара Фергюсон)

Йорк герцоги 1986 йилда Сара Фергюсонга уйланганида қиролича улар учун Беркшир штатидаги Саннингҳилл-паркда 12 хонали уй буюртма қилган. Эр-хотин ажралишгунларича шу ерда ўн йил яшади. Сундан кейин уй сотилган ва бузилган, лекин шаҳзода Эндрю ҳам, Сара Фергюсон ҳам биргаликдаги ҳаётларининг энг яхши хотираларини шу уй ҳамда қизлари Беатрис ва Евгения билан боғлашади. Жуфтлик 1996 йилда ажрашган 2003 йилдан бери Эндрю ва Ферги Виндзордаги қироличанинг собиқ мулки бўлган қироллик ложасида истиқомат қилади.