Instagram: Жасур Умиров Америкага кетмоқчи, Муниса бир ўлимдан қолди, Зарина Низомиддинова янги машина харид қилди

Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.

Йигитали Мамажонов ва Муқаддас Саъдуллаева саёҳатлар мавзусидаги фотосессиясини мухлислари эътиборига ҳавола этди.

Актёр Нодирбек Узоқов пандемия даври ҳаётини қанчалик ўзгартириб юборгани ҳамда касби туфайли онаси билан сўнгги марта кўришиш ва суҳбатлашиш насиб этмагани ҳақида кўз ёш тўкиб сўзлаб берди.

Улуғбек Раҳматуллаевнинг янги клипида Бобур Йўлдошев суратга тушмоқда.

Муниса Ризаева шифокорларнинг айби билан бир ўлимдан қолгани ҳақида ҳикоя қилди.

Шаҳзода Аллоҳ имкониятларни барчага баробар бергани ҳақида пост ёзди.

Зоҳиршоҳ Жўраев Асакадаги чорвачилик фермасини мухлисларига кўрсатди.

Зиёда «Тор кўча» қўшиғига клип суратга олдирмоқда.

Ижтимоий тармоқларда Саида Раметованинг вафот этгани билан боғлиқ миш-мишлар тарқалди. Актриса жонли эфирда мухлисларига кўриниш берди ҳамда ушбу гап-сўзлар ёлғон эканлигини исботлади.

Россиялик таниқли хонанда Алсу ўғлининг туғилган кунини нишонлади.

Туркиялик машҳур ошпаз ва ресторатор Нусретнинг туғилган кунида Андреа Бочелли қўшиқ куйлади.

Бошловчи Ойхон Ифорзода турмуш ўртоғи Нодиршоҳни туғилган куни билан табриклади.

Машҳурлик Алишер Узоқовга ҳеч нарса бермаган. Актёр бу ҳақда сўнгги интервьюларидан бирида сўзлаб берди.

Ойбек ва Нигора мухлисларига янги сурат билан кўриниш берди.

Актриса Зарина Низомиддинова янги машина олди. У BMW Х7 автомобилида фолловерларига кўриниш берди. Пандемиядан аввал актриса Malibu автомобилини ҳайдарди.

Жасур Умиров қамоқдан чиққанидан сўнг шоу-бизнесни ҳам йиғиштириб, Америкага кетишни режалаштиргани, бироқ айрим инсонларнинг гап-сўзлари туфайли вақтинча бу фикридан қайтгани ҳақида гапирди. Унинг айтишича, эстрадада қандай ўринга эга эканлигини янги қўшиқлар ва концерт орқали исботлагач, бутунлай Америкага кетишни режалаштирмоқда.

Шунингдек, Жасур Умиров «ҳеч қайси таниқли хонанда бирон қизни зўрлайдиган шароитда бўлмаслиги» ҳақида ҳам гапириб, у туҳмат туфайли қамалганини ҳам қўшимча қилди.

Сариқ бола, яъни Жаҳонгир Хўжаев янги ҳажвий ролигида касал бўлиб қолди.