Дунё бўйлаб ҳафта давомида олинган сара суратларни намойиш қиламиз.
Япониянинг Касаока шаҳри яқинидаги далада «табассум қилаётган» кунгабоқар. Фото: Getty Images
Хитойлик Чен Менг Токиодаги Метрополитен гимназиясида стол тенниси бўйича аёллар ўртасидаги ярим финал учрашувида қатнашмоқда. Фото: AFP
Финляндиядаги «Лорди» хард-рок гуруҳи етакчиси Жаноб Лорди (Томи Путаансуу) коронавирусга қарши эмланиш учун махлуқ кийимида ташриф буюрди. Фото: AFP
Россиялик спортчилар Светлана Колесниченко ва Светлана Ромашинанинг Токио Олимпиадасидаги чиқиши. Фото: EPA
Германиядаги Нордҳорн ҳайвонот боғида яқинда дунёга келган кемирувчилар оиласига мансуб дашт итининг боласи. Фото: Getty Images
Грецияда давом этаётган ўрмон ёнғинлари ва уни бартараф этишга уринаётган ўт ўчирувчилар. Фото: EPA
Австралиянинг Рокхемптон шаҳридаги фермада яшовчи какаду. Фото: EPA
Сиднейдаги Clovelly Beach пляжида сузиб юрган одам. Фото: Getty Images
Хитойнинг Жиангсу провинциясидаги фермер хўжалигида озиқланаётган ғозлар. Фото: Getty Images
Чикагода Иллинойс штати махсус Олимпиадаси учун пул йиғиш мақсадида ўтказилган ўйинчоқ ўрдакчалар иштирокидаги томоша. Фото: Getty Images
Юта штатидаги Катта Туз кўли, АҚШ. Фото: Getty Images
Бодрум яқинидаги ўрмон ёнғинлари бўлаётган ҳудуддан қўйларни олиб кетаётган одамлар. Европанинг жанубида кучли ўрмон ёнғинлари давом этаётгани сабабли саккиз киши ҳалок бўлди ва минглаб одамлар ўз уйларидан эвакуация қилинди. Фото: AFP
Германия, Швейцария ва Лихтенштейн чегарасидаги Баден кўлида ҳосил бўлган торнадо. Фото: Getty Images
Ямайкалик Ҳансле Пергамент Токио-2020 Олимпиадасида эркаклар ўртасида ўтказилган 110 метрга югуриш финалида ғолиб бўлди. Фото: AP Photo
Иордан дарёсининг ғарбий соҳилидаги Ерихо шаҳри яқинида жазирама пайтида салқинланаётган фаластинликлар. Фото: AFP
Уханда жойлашган савдо марказида коптоклар ичида ўйнаётган ниқоб кийган бола. Фото: Getty Images
АҚШ терма жамоаси аъзоси Жо Ковач Токио-2020 Олимпиада ўйинларининг 13-кунида эркаклар ўртасида тош отиш бўйича мусобақа финалида қатнашяпти. Фото: Getty Images
Калифорниянинг Сусанвилл шаҳридаги Лассен жамоатчилик коллежидаги эвакуация маркази яқинида буюмлари билан турган Честер шаҳрининг эвакуация қилинган фуқароси Апрель Филипп. Фото: AFP
Токиодаги ёзги Олимпиадада каратэ бўйича -55 килограмм вазн тоифасида аёллар ўртасида австриялик Беттина Планкга қарши баҳс олиб бораётганда оғзидаги ҳимоя воситаси тушиб қолган болгариялик спортчи Ивет Горанова, Фото: AP Photo
Грециянинг Эвиа оролида Лимни қишлоғи яқинидаги ўрмон ёнғинларидан ҳосил бўлган тутун қуёшни беркитиб қўйди. Грецияда сўнгги ўн йилликдаги энг иссиқ ҳаво ҳарорати кузатилмоқда. Фото: AP Photo
Япониялик стол тенниси ўйинчиси Касуми Ишикаванинг улкан ҳайкали Токиодаги Фужи ТВ штаб-квартираси олдида намойиш этилди. Фото: Getty Images
Туркиядаги Муғла вилоятининг Милас туманидаги Акчаяка қишлоғида ўрмон ёнғинини ўчиришга ҳаракат қилаётган одамлар. Фото: AFP
Ғазода исроилликлар ва фаластинликлар ўртасидаги тўқнашувлар пайтида қаттиқ зарарланган уйида қўғирчоғини ушлаб турган фаластинлик қиз. Фото: AFP
Барселонадаги Барселонета пляжида чағалайларни озиқлантираётган аёл. Фото: DPA
Аллоҳобод шаҳрида сувга сакраётган бола. Дарёларнинг сув сатҳи кўтарилиши оқибатида Ҳиндистоннинг бир қанча шаҳарларини сув босди. Фото: AFP
Ғазода қуёш ботишини суратга олаётган фаластинлик аёллар. Фото: AFP
Никарагуанинг Манагуа шаҳри ҳомийси авлиё Санто Доминго де Гузманни шарафлаш маросимида қатнашаётган танаси мотор мойи билан қопланган эркак. Фото: AFP
Токио Олимпиадасида бокс бўйича эркаклар ўртасида ўтказилган супероғир вазн тоифасида британиялик Фрэйзер Кларк билан жанг қилган Мурод Алиевни ҳакам дисквалификация қилди. Франциялик боксчи ҳакамлар қароридан норози бўлиб, 1 соат давомида рингни тарк этмади. Фото: Reuters
Аввалги кунларнинг фотогалереялари :
Фарғонада уйгача кирган сел, Месси билан хайрлашган мухлис, сўнгги йўловчини кутаётган поезд. 6 август суратлари Ўзбекистонда бошланган имтиҳонлар, Лувр учун навбат, уйи бузилган фаластинлик. 5 август суратлари Халқаро ҳаво шарлари фестивали, ўзаро тўқнашган поездлар, қуриб қолган кўлдаги қайиқ. 4 август суратлари Шомуродов суҳбатини олган Моуриньо, вакцина учун узун навбат, ёз чилласида ёғган дўл. 3 август суратлари Автомат кўтарган депутат, метродаги «Муқаддас ўлим», «Толибон» режимига қарши аёллар. 2 август суратлари Қўйларни бўрилардан ҳимоя қилаётган кўнгиллилар, Москвада юмшатилган карантин, денгиз ўртасида ёрдам кутаётган муҳожирлар. 30 июль суратлари Самосвал рулидаги Мирзиёев, ўйинчоқ ўрдакчалар пойгаси, вакцина олиш учун узун навбат. 29 июль суратлари
Изоҳ (0)