Андижон вилоятининг Асака туманида юк автомобилини бошқариб кетаётиб, руль бошқарувини йўқотиши натижасида содир бўлган йўл-транспорт ҳодисаси оқибатида автомашина салонида қисилиб қолган ҳайдовчи шифохонада вафот этди. Бу ҳақда «Дарё» мухбири хабар бермоқда.
https://youtu.be/AfOqCJVskl0Маълум қилинишича, туманнинг «Беруний» маҳалласи ҳудудидан ўтган 4Р-112 Фарғона ҳалқа йўли автомобиль йўлининг 165 километрида Фарғона шаҳрида яшовчи, 1985 йилда туғилган фуқаро Х.Н. «ЗИЛ-138» русумли юк автомашинаси ҳамда ГКБ-819 русумли тиркамани бошқариб кетаётиб, руль бошқарувини йўқотган. Оқибатда автомашина ва тиркама йўл четига ағдарилиб, ҳайдовчи автомашина салонида қисилиб қолган. Натижада ҳайдовчи Асака тумани шошилинч тез тиббий ёрдам бўлими томонидан кўрсатилган тиббий муолажаларга қарамасдан, шифохонада вафот этган.
Воқеа жойи ўрганилганда йўлга ётиқ чизиқлари чизилгани, йўл белгилари мавжудлиги, куннинг ёруғ вақти, йўлнинг қатнов қисмида нуқсонлар мавжуд эмаслиги аниқланган. Ҳолат юзасидан Асака туман ИИБ ҳузуридаги тергов бўлими томонидан терговга қадар суриштирув ишлари олиб борилмоқда.
ЙТҲ сабаби ва оқибати вилоят ИИБ Йўл ҳаракати хавфсизлиги бошқармаси бошлиғи Саидолим Зингиров бошчилигида жамоатчилик ўртасида муҳокама қилинган ва тегишли вазифалар белгилаб олинган.
Аввалроқ, Наманганда Lacetti келиб урилган Damas ҳайдовчиси ҳалок бўлгани, Қарши шаҳридаги марказий кўчада MAN юк машинаси Nexia-3’ни суриб, йўл четига чиқариб юборгани, Андижонда эса Lacetti билан тўқнашган «ЗИЛ» уй деворини бузиб кириб, ағдарилгани хабар берилганди.
Изоҳ (0)