Тушликка ҳар бир уйда топиладиган маҳсулотлардан мазали қатлама тайёрлаймиз 

Ўзбек дастурхонини ҳамиша иссиққина қатлама нонлар безаб туради. Айниқса, уларни мураббо, чой ва шўрва билан тановул қилишнинг ўзгача гашти бор.

 Керакли маҳсулотлар:

• сув – 200 мл;
• туз – бир ош қошиқ;
• ўсимлик ёғи – 1 ош қошиқ;
• ун – 300 грамм;
• сариёғ – 180 грамм.

1. Илиқ сув туз ва ўсимлик ёғи билан аралаштирилади. Ун солиниб, юмшоқ хамир қорилади.
2. Хамир сочиқ билан ўралиб, 15 дақиқага қолдирилади.
3. Сариёғ эритиб олинади ва совитилади.
4. Хамир 6-8 та бўлакка бўлинади. Уларнинг ҳар бири думалоқ шаклда ёйилади.
5. Айланалар қалинлиги 20-30 миллиметрда бўлиши керак.
6. Хамирлар юзасига эритилган сариёғ суртилади.
7. Сўнгра яхшилаб ўралиб, юпқалиги 3-4 миллиметр бўлган хамир ёйилади.
8. Ортиб қолган сариёғ товага қуйилади ва икки томони қизаргунга қадар қовурилади.