Гуруч қўшиб пишириладиган мазали товуқ гўшти

Ушбу таомни кечки овқатга тайёрлашингиз ва унга исталган соус қўшиб истеъмол қилишингиз мумкин.

Керакли маҳсулотлар:

• пиёз — 1 дона;
• саримсоқ пиёз — 2 дона;
• сариёғ — 3 ош қошиқ;
• қуритилган қизил қалампир — 1 ош қошиқ;
• қуритилган тоғжамбил — 1 чой қошиқ;
• қуритилган саримсоқ пиёз — 0,5 чой қошиқ;
• туз, мурч;
• товуқ гўштининг териси олинган қисми;
• гуруч — 270 г;
• товуқ бульони — 400 мл;
• сув — 300 мл.

• Саримсоқ пиёз ва пиёзни майда қилиб тўғранг.
• Печда пиширишга мўлжалланган идишга сабзавотлар ва сариёғ солинг, 180 даража қизиган печга 12—15 дақиқага қўйинг.
• Зираворларнинг барчасини аралаштириб, товуқ гўштига суртинг.
• Печдаги идишни олинг, саримсоқ ва пиёзга гуруч қўшиб аралаштиринг;
• Устига товуқ гўштини солинг, товуқ бульонини ҳам қуйиб, устини фольга қоғози билан ёпинг.
• 30 дақиқа давомида печда пишириб олинг, кейин фольгани олиб яна 30 дақиқага қўйинг.
• Печдан олгандан кейин 5—10 дақиқа давомида совитиб олинг.
• Устини қирғичдан чиқарилган пишлоқ билан ҳам безасангиз бўлади.