Tushlikka har bir uyda topiladigan mahsulotlardan mazali qatlama tayyorlaymiz 

O‘zbek dasturxonini hamisha issiqqina qatlama nonlar bezab turadi. Ayniqsa, ularni murabbo, choy va sho‘rva bilan tanovul qilishning o‘zgacha gashti bor.

 Kerakli mahsulotlar:

• suv – 200 ml;
• tuz – bir osh qoshiq;
• o‘simlik yog‘i – 1 osh qoshiq;
• un – 300 gramm;
• sariyog‘ – 180 gramm.

1. Iliq suv tuz va o‘simlik yog‘i bilan aralashtiriladi. Un solinib, yumshoq xamir qoriladi.
2. Xamir sochiq bilan o‘ralib, 15 daqiqaga qoldiriladi.
3. Sariyog‘ eritib olinadi va sovitiladi.
4. Xamir 6-8 ta bo‘lakka bo‘linadi. Ularning har biri dumaloq shaklda yoyiladi.
5. Aylanalar qalinligi 20-30 millimetrda bo‘lishi kerak.
6. Xamirlar yuzasiga eritilgan sariyog‘ surtiladi.
7. So‘ngra yaxshilab o‘ralib, yupqaligi 3-4 millimetr bo‘lgan xamir yoyiladi.
8. Ortib qolgan sariyog‘ tovaga quyiladi va ikki tomoni qizargunga qadar qovuriladi.