Ҳар бир истеъдодли одамнинг ортида ҳар доим унга таъсир кўрсатган ва уни туб ўзгаришларга ундаган китоб бор. Машҳурлар, даҳолар ҳамда раҳбарлар бунинг исботидир.

Фото: Marie Claire

Жефф Безос – «Кун қолдиқлари» Казуо Исигуро

Фото: Marie Claire

Amazon асосчиси миллиардер Жефф Безос дастлаб ўз компаниясини онлайн китоб дўкони кўринишида тасаввур қилган. Казуо Исигуронинг «Кун қолдиқлари» романи Стивенс исмли қаҳрамоннинг ҳикоясидир. Жефф бу китобни мукаммал деб билгани учун уни яхши кўришини тан олган.

Натали Портман – «Булутли атлас» Дэвид Митчелл

Фото: Marie Claire

Натали Портманни «Булутли атлас» шунчалик ҳайратда қолдирдики, у бир неча йиллар давомида бу китобни ўз дўстлари ва танишларига доимий равишда совға қилган. «Атлас»да олтита ҳикоя бор, лекин улар бир -бири билан чамбарчас боғлиқ бўлиб, охир-оқибат битта асарга айланади. Портман роман ҳақида: «Бу мен ўқиган энг чиройли, қизиқарли ва мураккаб китоблардан бири», дея фикр билдирган.

Ричард Бренсон – «Питер Пен» Жеймс Барри

Фото: Marie Claire

Айтишларича, болаликда ўқилган эртаклар, қайсидир маънода, хулқ-атворнинг намунасини белгилайди. Бунга инглиз тадбиркори ва Virgin Group асосчиси Сер Ричард Бренсон мисол бўла олади. Сўнгги воқеалардан келиб чиқиб айтиш мумкинки, у ҳақиқатан ҳам Питер Пенга айланди. Бир интервьюсида, Ричард Барри эртагининг болалик орзуларига қандай таъсир қилганини айтиб берганида, у ҳали катта бўлишни режалаштирмаганини тан олган.

Жек Керуак – «Улисс» Жеймс Жойс

Фото: Marie Claire

Жек Керуак кўплаб юлдузларнинг, жумладан, Жонни Деппнинг кумири эди. Шунингдек, Америка адабиётига катта таъсир кўрсатган. Аммо машҳур ва мунозарали Жекка ким таъсир кўрсатиши мумкин эди? Албатта, Жеймс Жойс. Керуак Жойсни ҳурмат қилган ва тез -тез унинг услубидан фойдаланган.

Донна Тартт – Чарльз Диккенс китоблари

Фото: Marie Claire

Донна Тартт интервьюларидан бирида у болалигида Диккенснинг кўп китобларини ўқиганини айтган. Диккенсни севиш учун кўп сабаблар бор, лекин Тартт биринчи навбатда, у ажойиб ва кўп қиррали ёзувчи эканлигини таъкидлайди: «Ҳаяжонли ҳикоячи, ажойиб стилист, кенг феъл-атворли, ақлли, шу билан бирга, катта юрак эгаси».

Илон Маск – «Атлант елкасини ростлади» Айн Ренд

Фото: Marie Claire

Илон Маскнинг севимли китобларидан бири – «Атлас елкасини ростлади».  Уч жилдлик романнинг асосий ғояси: дунёни яккама-якка елкасида ушлаб, афсонавий титан Атлас билан солиштирадиган истеъдодли якка ижодкорларни қўллаб-қувватлаш. Агар одамлар ижод қилишни тўхтаца, дунё қулаб тушади. Романда ҳам айнан шундай бўлади.

Жеймс Дин – «Кичкина шаҳзода» Антуан де Сент-Экзюпери

Фото: Marie Claire

Муаллифнинг сўзларига кўра,  «Кичкина шаҳзода» – «катталар учун ёзилган болалар китоби». Бу китоб умидсизлик, холис ва ҳар доим қизиқувчан бўлишнинг аҳамияти ҳақида. Китоб буюк актёр Жеймс Дин учун жуда қадрли эдики, унда келган иқтибосларни яқинлари даврасида ҳам тез-тез ўқиган.

Фридрих Ницше – Фёдор Достоевский романлари

Фото: Marie Claire

Фридрих Ницше Достоевскийни буюк рассом ва ҳаётнинг энг буюк кашфиётларидан бири деб ҳисоблаган. Гарчи немис файласуфи катта ёшида Достоевский билан учрашган бўлса-да, қисқа ҳикоялар тўпламида шундай ёзган эди: «Достоевский – мен ўрганадиган ягона психолог. Мен у билан танишишни ҳаётимдаги энг яхши ютуқлардан бири деб биламан».

Стивен Кинг – «Худо ҳақиқатни кўради, лекин дарров айтмайди» Лев Толстой

Фото: Marie Claire

Стивен Кингнинг энг машҳур романларидан бири «Рита Хейворт ва Шоушенкни қутқариш» романи кўпчиликка таниш. Мазкур асарнинг сюжети Лев Толстойнинг «Худо ҳақиқатни кўради, лекин дарров айтмайди» қиссасидан олинган.

Рей Бредбери – «Ғазабнинг боши» Жон Стейнбек

Фото: Marie Claire

Бредбери 19 ёшида Стейнбекнинг «Ғазабнинг боши» асарини ўқиди ва кейин  роман унинг ҳаёти ва қалбининг бир қисмига айланганини айтган. Кейинчалик ёзувчи ўз асари ҳақида шундай фикр билдирган: «Мен ‘Марс хроникалари’ни ёзганимда онгсиз равишда буни Стейнбекдан олганман».