Туркиянинг Анталия вилоятидаги Манагват ҳудудида катта ўрмон ёнғинлари содир бўлмоқда, олов ўнлаб гектар майдондаги дарахтларни кулга айлантирган ва бешта аҳоли яшаш масканидаги одамлар эвакуация қилинган. Бу ҳақда Hürriyet Daily News газетаси хабар берган.
Манавгат шаҳри мери Шукру Сўзен (Şükrü Sözen) ўрмонлардаги ёнғиннинг аҳоли турар жойларигача етиб келгани, кўплаб уйлар, бинолар ва корхоналар ёнганини тасдиқлаган. Унинг сўзларига кўра олов Манавгат марказигача етиб келган, оқибатда маҳаллий аҳоли бошқа жойга эвакуация қилинган.
Шунингдек, шаҳар мери оловнинг денгиз соҳилларидан узоқ жойда кузатилаётгани ва Анталияда дам олаётган туристлар ҳаёти хавф солмаслигини қайд этган.
Июль бошида Канадада аномал иссиқлик ортидан ўрмон ёнғинлари бошлангани, Кипрда мамлакат тарихидаги энг йирик ўрмон ёнғинлари содир бўлгани ҳақида хабарлар берилганди.
Изоҳ (0)