Ўзбекистон энергетика соҳасининг фахрий ходими Руслан Мубаракшин 59 ёшида вафот этди, дея хабар бермоқда Энергетика вазирлиги ахборот хизмати.
Маълумот учун, Руслан Мубаракшин 1962 йилда таваллуд топган. Меҳнат фаолиятини 1985 йилда «Энергия» бирлашган диспетчерлик марказида электромонтёрликдан бошлаган.
У 2017—2019 йилларда «Ўзбекэнерго» бошқарув раисининг ишлаб чиқариш бўйича биринчи ўринбосари, 2019—2021 йилларда «Иссиқлик электр станциялари» бошқаруви раиси, 2021 йил февралдан ҳозирга қадар «Чирчиқ трансформатор заводи» бош директори лавозимида фаолият юритиб келаётган эди.
Руслан Мубаракшиннинг вафотига нима сабаб бўлгани ҳақида маълумот берилмаган.
Бундан аввал Ўзбекистон халқ ўқитувчиси, «Қоракўл мактаби» асосчиси Тўхтамурод Жумаев, машҳур спорт журналисти ва ёзувчи Владимир Сафаров 82 ёшида ҳамда ёзувчи Дадахон Нурий 78 ёшида вафот этгани ҳақида хабар берилганди.
Изоҳ (0)