Қашқадарё вилоят ҳокимлигида 15 та автомашина мавжуд бўлиб, улар хизмат ва навбатчилик автомашиналари ҳисобланади. Бу ҳақда вилоят ҳокимлиги ахборот хизмати маълум қилди.
Қайд этилишича, ҳокимлик мулкдор (муассис, акциядор, иштирокчи) бўлган давлат иштирокидаги корхоналар мавжуд эмас.
Ҳокимлик балансида Қарши шаҳрида 4 ва 5 қаватли маъмурий бинолар, автосарой, соғломлаштириш маркази, Муборак тумани марказида 2 хонали 1 та турар жой ва Қарши тумани «Човқай» массивида 8 та хизмат уйи мавжудлиги маълум қилинган.
Бундан аввал Ўзбекистонда давлат хизматчиларининг даромадлари ва мол-мулкини мажбурий декларация қилиш тизими 2022 йил 1 январдан жорий этилиши, Акмал Бурҳонов Президент ва бош вазир ҳам йил давомида топган даромадини декларациялаши режалаштирилаётганини айтгани ҳамда Ўзбекистонда манфаатлар тўқнашуви учун жиноий жавобгарлик белгиланиши кутилаётгани ҳақида хабар берилганди.
Изоҳ (0)