Туркманистон президенти Гурбангули Бердимуҳамедов ўз ўғли Сердар Бердимуҳамедовни бош вазирнинг молия ва иқтисодиёт бўйича ўринбосари этиб тайинлаш тўғрисидаги фармонни имзолади, деб ёзади «Интерфакс».
Шу пайтгача бу лавозимни эгаллаб келган Гадиргелди Мушшиков эса Марказий банкка раҳбар этиб тайинланди, у «бошқа ишга ўтиши муносабати билан» лавозимидан озод этилган Мардон Аннадурдиев ўрнини эгаллади. Февраль ойида Аннадурдиев президент томонидан охирги огоҳлантириш билан ҳайфсан олган эди.
Мушшиков, шунингдек, Халқаро валюта жамғармаси ва Осиё тараққиёт банкининг Туркманистондан бошқарувчилари этиб тайинлади.
Президентнинг бошқа фармони билан Сердар Бердимуҳамедов Туркманистон Олий назорат палатаси раиси лавозимидан озод этилди ва Туркманистон Давлат хавфсизлик кенгаши таркибидан чиқарилди. Бундан ташқари, у мамлакатлар Иқтисодий кенгашида Туркманистон вакилига айланди.
Сердар Бердимуҳамедов 2021 йил 11 февралда бош вазир ўринбосари, Олий назорат палатаси раиси этиб тайинланиб, Давлат хавфсизлик кенгашига киритилган эди. 2020 йил 7 февралдан 2021 йил 7 февралгача Сердар Бердимуҳамедов саноат ва қурилиш вазири лавозимида ишлаган. Ундан аввал — 2019 йил 17 июндан Туркманистоннинг Ахал вилояти раҳбари бўлган.
Мавзуга доир:
- Туркманистон президенти ўғлига ахалтекин отини совға қилди
- Гурбангули Бердимуҳамедов ўз ўғлини «Туркманистонда хизмат кўрсатган итбоқар» унвони билан тақдирлади
- Гурбангули Бердимуҳамедовнинг ўғли унинг ўрнига Ахалтекин отларини етиштириш ассоциацияси раҳбарлигига сайланди
- Гурбангули Бердимуҳамедов ўғли Сердар Бердимуҳамедовни фахрий унвон билан тақдирлади
- Гурбангули Бердимуҳамедовнинг ўғли уй ҳайвонлари учун меҳмонхона очди, ўзи эса итлардан бирига атаб шеър ёзди
Изоҳ (0)