Turkmaniston prezidenti Gurbanguli Berdimuhamedov o‘z o‘g‘li Serdar Berdimuhamedovni bosh vazirning moliya va iqtisodiyot bo‘yicha o‘rinbosari etib tayinlash to‘g‘risidagi farmonni imzoladi, deb yozadi “Interfaks”.
Shu paytgacha bu lavozimni egallab kelgan Gadirgeldi Mushshikov esa Markaziy bankka rahbar etib tayinlandi, u “boshqa ishga o‘tishi munosabati bilan” lavozimidan ozod etilgan Mardon Annadurdiyev o‘rnini egalladi. Fevral oyida Annadurdiyev prezident tomonidan oxirgi ogohlantirish bilan hayfsan olgan edi.
Mushshikov, shuningdek, Xalqaro valyuta jamg‘armasi va Osiyo taraqqiyot bankining Turkmanistondan boshqaruvchilari etib tayinladi.
Prezidentning boshqa farmoni bilan Serdar Berdimuhamedov Turkmaniston Oliy nazorat palatasi raisi lavozimidan ozod etildi va Turkmaniston Davlat xavfsizlik kengashi tarkibidan chiqarildi. Bundan tashqari, u mamlakatlar Iqtisodiy kengashida Turkmaniston vakiliga aylandi.
Serdar Berdimuhamedov 2021-yil 11-fevralda bosh vazir o‘rinbosari, Oliy nazorat palatasi raisi etib tayinlanib, Davlat xavfsizlik kengashiga kiritilgan edi. 2020-yil 7-fevraldan 2021-yil 7-fevralgacha Serdar Berdimuhamedov sanoat va qurilish vaziri lavozimida ishlagan. Undan avval — 2019-yil 17-iyundan Turkmanistonning Axal viloyati rahbari bo‘lgan.
Mavzuga doir:
- Turkmaniston prezidenti o‘g‘liga axaltekin otini sovg‘a qildi
- Gurbanguli Berdimuhamedov o‘z o‘g‘lini “Turkmanistonda xizmat ko‘rsatgan itboqar” unvoni bilan taqdirladi
- Gurbanguli Berdimuhamedovning o‘g‘li uning o‘rniga Axaltekin otlarini yetishtirish assotsiatsiyasi rahbarligiga saylandi
- Gurbanguli Berdimuhamedov o‘g‘li Serdar Berdimuhamedovni faxriy unvon bilan taqdirladi
- Gurbanguli Berdimuhamedovning o‘g‘li uy hayvonlari uchun mehmonxona ochdi, o‘zi esa itlardan biriga atab she’r yozdi
Izoh (0)