Олий Мажлис Қонунчилик палатаси депутати Дониёр Ғаниев ёз кунлари тонировкани бепул қилишга чақирди. Бу ҳақда депутат ўз Telegram каналида пост қолдирди.
Ўзбекистонда ҳозирда аномал иссиқ ҳаво ҳарорати кузатилмоқда. Депутатнинг фикрича, бундай ҳароратда фуқароларнинг иқтисодий фаоллиги ва меҳнат самарадорлиги пасаяди.
«Кундузи иссиқдан жон сақлаб, кечки салқинда кўчага чиқар десанг, карантин чекловлари сабаб соат 20:00 дан кейин деярли барча хизмат кўрсатиш шохобчалари фаолияти ҳам тўхтатилди.
Қисқаси, ёзнинг жазирама иссиқ кунлари нафақат фуқароларга ноқулайлик яратиляпти, балки мамлакат ЯИМ, айниқса хизмат кўрсатиш соҳалари ривожига қаттиқ зарба бўляпти.
Лекин биргина йилнинг иссиқ мавсумида автомобиль ойналарини қорайтиришга бепул ёки минимал тўловлар асосида рухсат берилиши фуқароларнинг иқтисодий фаоллиги ва самарадорлиги ошиши ҳамда мамлакат иқтисоди ўсишига ижобий таъсир кўрсатиши аниқ.
Тонировкани пуллик қилишни ўйлаб топган ҳурматли раҳбарлар, иқтисодиёт ўсиши, бюджетга кўпроқ пул тушишини истасангиз, тонировка нархларини ёз ойлари учун бекор қилинг», — деб ёзади депутат ўз Telegram каналида.
Аввалроқ депутат Президент Администрацияси томонидан тонировка нархини камайтириш юзасидан қарор лойиҳаси ишлаб чиқилганини маълум қилганди.
Мавзуга доир:
- Расул Кушербаев: «Қайси амалдор хизмат автомобилини тонировка қилган ҳолда юрган бўлса, халқнинг пулига хиёнат қилаётган бўлади»
- Ўзбекистонда 2021 йил 1 сентябрдан ҳайдовчилардан транспорт бошқариш учун ишончнома ва тонировка рухсатномасини талаб этиш тартиби бекор қилинади
- Ўзбекистонда тонировка учун рухсатномаларни Ягона интерактив давлат хизматлари портали орқали ҳам бериш бошланади
Изоҳ (0)