Фарғона вилоятининг Ёзёвон туманида 29 ёшли эркак қўшни келинни пичоқлаб қўйди. Аёл шифохонада вафот этди. Бу ҳақда «Дарё» мухбири сўровига кўра вилоят прокуратураси маълум қилди.
Маълум бўлишича, 2021 йилнинг 22 июнь куни Ёзёвон туманида яшовчи 1992 йилда туғилган Н.У. қарзларидан қутилиш мақсадида қўшниси И.С.дан 2 минг доллар пул олган. Шундан сўнг Н.У. қўшнисининг уйида кўп миқдорда пул бўлиши мумкинлигини тахмин қилган. У 23 июнь куни, тахминан, соат 10:00 да қўшнисиникида ҳеч ким йўқлигидан фойдаланиб, унинг хонадонига ғайриқонуний тарзда кирган. Хонадондаги мол-мулкларни яширинча қўлга киритмоқчи бўлган вақтида қўшни келин М.Қ. келиб қолган.Н.У. қилмиши ошкор бўлишидан қўрқиб, қўшни келинга пичоқ билан ҳужум қилиб, танасининг турли соҳаларига тан жароҳатлари етказган. М.Қ. фаол қаршилик кўрсатиб, қўшниларни ёрдамга чақиргани учун Н.У. ҳодиса жойидан яширинган.
Фуқаро М.Қ. кўрсатилган тиббий ёрдамга қарамасдан, олган тан жароҳатлари натижасида шифохонанинг жонлантириш бўлимида вафот этган.
2021 йил 23 июнь куни мазкур ҳолат юзасидан Ёзёвон туман прокуратураси томонидан У.Н.га нисбатан Жиноят кодексининг 97-моддаси 1-қисми «и» банди (таъмагирлик ниятида қасддан одам ўлдириш), 164-моддаси 3-қисми «в», «г» (уй-жойга, омборхона ёки бошқа биноларга ғайриқонуний равишда кирган ҳолда баданга оғир шикаст етказиб, босқинчилик қилиш) билан жиноят иши қўзғатилган.
Мазкур ҳолат юзасидан гумонланувчи Ёзёвон тумани прокуратураси томонидан процессуал тартибда ушланган. Ҳозирда дастлабки тергов ҳаракатлари олиб борилмоқда. Жиноят ишининг тергови устидан вилоят прокуратураси назорат ўрнатган.
Мавзуга доир:
- Қашқадарёда жасади топилган йигитнинг қотили 23 ёшли аёл экани айтилмоқда
- Сирдарёдаги даладан бутунлай ёниб кетган эркак жасади топилди. Ҳолат юзасидан жиноят иши қўзғатилди
- Асакада 9 ёшли қизни ўлдиришда гумон қилиниб, 10 ой қамоқда сақланган аёл терговдаги қийноқ ва далилларнинг сохталаштирилгани ҳақида гапирди
Изоҳ (0)