Бухоро шаҳри Боғишамол кўчаси ўзаро жанжаллашган эр-хотинни ажратишга уринган профилактика инспекторини урган эркакка нисбатан жиноят иши қўзғатилди, деб хабар беради вилояти ИИБ ахборот хизмати.
Маълум қилинишича, 23 май куни эр-хотин ўртасида низо чиқиб, улар жанжаллашиб қолган. Маҳалла аҳолиси воқеа жойига шаҳар ИИО ФМБ 4-сонли ИИБ профилактика инспекторини чақирган. Чақирув бўйича етиб келган инспектор жанжални бартараф этишга ҳаракат қилган, аммо эркак инспекторнинг қонуний талабини бажариш ўрнига унга фаол қаршилик кўрсатган. Унинг юз соҳасига қасддан урган.
Суд тиббий экспертизаси хулосасига кўра, фуқаро инспекторга енгил тан жароҳати етказган ва унинг ўз хизмат вазифасини бажаришдан воз кечишига мажбур қилган.
«Қилган ишимдан пушаймонман, мени кечиришларингизни сўрайман», — дейди эркак.
Ҳолат юзасидан Жиноят кодексининг 219-моддаси 2-қисми билан жиноят иши қўзғатилиб, дастлабки тергов ҳаракатлари олиб борилмоқда.
Аввалроқ Сурхондарёда чақирув бўйича кетаётган тез ёрдам машинасини ўтказмаган ЙПХ ходимлари лавозимидан озод этилгани, Андижонда ҳайдовчи ЙПХ ходимини калтаклагани тўғрисида хабар берилганди.
Изоҳ (0)