Oliy Majlis Qonunchilik palatasi deputati Doniyor G‘aniyev yoz kunlari tonirovkani bepul qilishga chaqirdi. Bu haqda deputat o‘z Telegram kanalida post qoldirdi.
O‘zbekistonda hozirda anomal issiq havo harorati kuzatilmoqda. Deputatning fikricha, bunday haroratda fuqarolarning iqtisodiy faolligi va mehnat samaradorligi pasayadi.
“Kunduzi issiqdan jon saqlab, kechki salqinda ko‘chaga chiqar desang, karantin cheklovlari sabab soat 20:00 dan keyin deyarli barcha xizmat ko‘rsatish shoxobchalari faoliyati ham to‘xtatildi.
Qisqasi, yozning jazirama issiq kunlari nafaqat fuqarolarga noqulaylik yaratilyapti, balki mamlakat YaIM, ayniqsa xizmat ko‘rsatish sohalari rivojiga qattiq zarba bo‘lyapti.
Lekin birgina yilning issiq mavsumida avtomobil oynalarini qoraytirishga bepul yoki minimal to‘lovlar asosida ruxsat berilishi fuqarolarning iqtisodiy faolligi va samaradorligi oshishi hamda mamlakat iqtisodi o‘sishiga ijobiy ta’sir ko‘rsatishi aniq.
Tonirovkani pullik qilishni o‘ylab topgan hurmatli rahbarlar, iqtisodiyot o‘sishi, budjetga ko‘proq pul tushishini istasangiz, tonirovka narxlarini yoz oylari uchun bekor qiling”, — deb yozadi deputat o‘z Telegram kanalida.
Avvalroq deputat Prezident Administratsiyasi tomonidan tonirovka narxini kamaytirish yuzasidan qaror loyihasi ishlab chiqilganini ma’lum qilgandi.
Mavzuga doir:
- Rasul Kusherbayev: “Qaysi amaldor xizmat avtomobilini tonirovka qilgan holda yurgan bo‘lsa, xalqning puliga xiyonat qilayotgan bo‘ladi”
- O‘zbekistonda 2021-yil 1-sentabrdan haydovchilardan transport boshqarish uchun ishonchnoma va tonirovka ruxsatnomasini talab etish tartibi bekor qilinadi
- O‘zbekistonda tonirovka uchun ruxsatnomalarni Yagona interaktiv davlat xizmatlari portali orqali ham berish boshlanadi
Izoh (0)