Бугун,

  • USD 10920.28
  • RUB 177.49
  • EUR 11052.42

Кўприклардан қўрқиш гефирофобия деб аталади. Lifehacker нашри тақдим этган қуйидаги видеоларни томоша қилиб, қанчалик қўрқмаслигингизни синаб кўринг.

1. Ҳусайний осма кўприги

Фото: Wikimedia Commons

Жойлашуви: Хунза дарёси, Покистон шимоли.

Фарқи: узунлиги — 200 метр, сувдан — 30 метр баландликда.

Нимадан қурилган: арқонлар, 472 та ёғоч тахта.

Дунёдаги энг хавфли кўприклардан бири. Ҳусайний кўприги кўпроқ зинапояга ўхшайди. Шамол ва юқори намлик туфайли арқонлар тезда чирий бошлайди. Бир неча марта иншоот шамол ва дарё сувлари туфайли вайрон бўлган, аммо ҳар сафар қайта тикланган.

Кўприк ҳақиқий ҳаяжонни истовчи сайёҳлар орасида машҳур. Маҳаллий аҳоли эса кўприкдан ҳар куни фойдаланади ва бу улар учун одатий ҳолга айланган. Маълумотларга кўра, Ҳусайний кўпригида камида ўн киши ҳалок бўлган.

2. Убейн ёғоч кўприги

Фото: Wikimedia Commons

Жойлашуви: Амарапура, Мандалай округи, Мьянма.

Фарқи: узунлиги — 1208 метр, сувдан максимал баландлиги — 4,5 м.

Нимадан қурилган: 1086 та чириган тик дарахти танаси —мўрт жойлари бетон устунлар билан мустаҳкамланган, аммо бу унга унчалик ёрдам бермайди.

Дунёдаги энг узун ва қадимий бўлган мазкур ёғоч кўприк 1851 йилда қурилган. Гиннеснинг рекордлар китобида Япониядаги Хаурай кўприги дунёдаги энг узун ёғоч кўприк сифатида кўрсатилган. Унинг узунлиги атиги 897,4 метрни ташкил этади, бу кўриб турганингиздек Убейнникидан анча қисқа.

Умуман олганда, Убейн кўпригини ушбу ёғоч гигантни яратишга пул тўлаган Амарапура шаҳри ҳокими шарафига номлашган. Бейн — ҳокимнинг исми, У эса бирма тилида «хўжайин» деган маънони ифодалайди

3. Керрик-а-Ред арқон кўприги

Фото: Wikimedia Commons

Жойлашуви: Баллинтой, Антрим округи, Шимолий Ирландия.

Фарқи: узунлиги — 20 метр, баландлиги — 30 метр.

Нимадан қурилган: Ҳозир Дуглас компанияси томонидан ишлаб чиқарилган мустаҳкам кабел ва арча ёғочларидан. Аввал чириган тахта ва арқонлардан.

Авваллари балиқчилар у ерда лосос балиқларини овлашган. Бу ерга етиб келиш осон бўлиши учун XVII аср ўрталарида улар ушбу кўприкни қуришган.

Денгиз шамоли ва намлик туфайли арқонлар мунтазам равишда чириган ва тахминан уч юз йил давомида балиқчилар ҳар йили кўприкни янгилаган.

Ниҳоят, 2000 йилда ирландлар бундан чарчаб, кўприкни қайта қуришга қарор қилишади. Натижа эса – кўприк барибир чириган. Кейинчалик, 2008 йилда янада мустаҳкам материаллардан фойдаланган ҳолда қайта қурилган Керрик-а-Ред кўприги ҳозиргача яхши ҳолатда сақланиб қолган.

4. Охуэла осма кўприги

Фото: Wikimedia Commons

Жойлашуви: Мапими, Дуранго штати, Мексика.

Фарқи: узунлиги — 275 метр, баландлиги — 95 метр.

Нимадан қурилган: XIX аср учун инновацион бўлган темир кабеллар, ёғоч ва бетон.

Ушбу аҳоли пунктига бу жойларда бой олтин, кумуш, рух ва марганес конларини кашф этган испаниялик конкистадор Франциско де Охуэла номи берилган. 1598 йилда у колонияга асос солган ва у ерда 350 йилдан ортиқ кончилар авлодлари ишлаган.

Охуэла кўприги 1898 йилда Бруклин кўпригини қурган меъмор Жон Роблингнинг ўғиллари томонидан қурилган. Қазиб олинган минераллар аравачаларда канён орқали ташилган.

5. Гҳасадаги осма кўприк

Фото: Wikimedia Commons

Жойлашуви: Гҳаса-Кушме шаҳри, Аннапурна, Непал.

Фарқи: узунлиги — 137 метр, баландлиги  — 70 метр.

Нимадан қурилган: мустаҳкам металл тўр, кабеллар ва ёғоч.

Дизайн хусусиятлари туфайли кўприк жуда тор ва эгилувчан. Шунинг учун ҳам у доимо шамолда тебраниб туради.

6. Лангкави оролидаги осмонўпар кўприк

Фото: Wikimedia Commons

Жойлашуви: Лангкави ороли, Кедаҳ штати, Малайзия.

Фарқи: узунлиги — 125 метр, ердан баландлиги — 100 метр. Кўприк пўлатдан ясалган кабеллар орқали битта таянчга мустаҳкамлаб қўйилган.

Нимадан қурилган: темир, бетон ва шиша панеллар.

Бу ерга бутун дунёдан келган сайёҳлар Кедаҳ марвариди деб номланган оролнинг ажойиб манзарасидан баҳраманд бўлиш учун ташриф буюришади.

Оролда намлик жуда юқори ва кўпинча туманли об-ҳаво кузатилади. Агар қуёшли кунда кўприкда сайр қилишдан зериксангиз, булутли кунда Лангкавига ташриф буюринг, чунки қуюқ туман ичида ҳатто қўлларингизни ҳам кўришингиз амри маҳол. Кучли ҳаяжон кафолатланган.

7. Чжангтзеясзе шиша кўприги

Фото: Wikimedia Commons

Жойлашуви: Зҳангжиажиэ, Вулингюань тумани, Хитой.

Фарқи: узунлиги — 430 метр, ердан баландлиги — 300 метр.

Нимадан қурилган: тобланган шишадан ясалган 120 та панелдан, тўртта бетон устундаги пўлат трослардан.

Кўприк шаффоф эканлигини номидан ҳам тахмин қилиш мумкин.

Умуман олганда, хитойликлар шиша кўприкларни яхши кўради — мамлакатда уларнинг сони 2300 дан ошган, аммо Чжансзжиэ алоҳида аҳамиятга эга. Бу дунёдаги энг баланд шиша кўприк! Меъморларнинг таъкидлашича, бино бир вақтнинг ўзида 800 пиёдага дош беришга қодир (албатта, ўзларини яхши туцалар ва сакраб юрмасалар).

8. «Бурама аждар» номли сайр йўлаги

Фото: Wikimedia Commons

Жойлашуви: Зҳангжиажиэ, Тианмен Моунтаин, Хитой.

Фарқи: узунлиги — 100 метр, водийдан баландлиги —430 метр. Водийнинг ўзи 300 метр чуқурликда.

Нимадан қурилган: 99 та эгри-бугри шаклдаги тобланган шишадан

Юқорида айтиб ўтилган кўприкдан ташқари, Зҳангжиажиэ боғида кўпроқ нарсаларни кўриш мумкин.

«Бурама аждар» йўлаги қўрқиб кетган хитойлик сайёҳнинг вирусдек тарқалган видеоси билан машҳур бўлиб, оёқлар остидаги ойналар «ёрилиб», сайёҳларнинг даҳшатли қўрқувига сабабчи бўлади.

9. Хуангчуандаги «Уч дара» шиша кўприги

Фото: Lianzhou Qingtian Tourism Development Co., Ltd.

Жойлашуви: Лянчжоу, Гуангдун провинцияси, Хитой.

Фарқи: узунлиги — 526 метр, дарёдан баландлиги — 201 метр.

Нимадан қурилган: Пўлатдан ва сирғанчиқ шишадан.

2020 йилгача Зҳангжиажиэ дунёдаги нафақат энг баланд, балки энг узун шиша кўприк унвонига эга эди. Бироқ бу унвонни Гиннеснинг рекордлар китобига киритилган Хуанчуан шаҳридаги «Уч дара» дарёси устидаги янги кўприк олиб кетди. Ушбу кўприкнинг узунлиги ярим километрдан ошиқ, шиша қалинлиги эса 4,5 сантиметрни ташкил қилади.

10. Какум миллий боғидаги осма йўлак

Фото: Wikimedia Commons

Жойлашуви: Гана, Ғарбий Африка, Какум миллий боғи.

Фарқи: узунлиги — 330 метр, ердан баландлиги — 40 метр. Йўлак яқин атрофдаги дарахтларга мустаҳкамланган.

Нимадан қурилган: ёғоч ва арқонлардан.

Умуман олганда, бундай йўлаклар дунёнинг кўплаб мамлакатларида учрайди, аммо Африкада фақат битта. У Какум миллий боғида жойлашган. Йўлак арқонларга осилган ва дарахт таналари эса таянч бўлиб хизмат қилади. Йўлак еттита кўприкдан иборат.

Осма йўлакда табиий тропик ўрмонларни, филларни, буйвол ва леопардларни томоша қилиш мумкин.

Изоҳ
Асосий янгиликлар