“Daryo”ni Telegram’da o‘qing! Join!
21:58, 02.06.2021 25050

Foto: Fors ko‘rfazining marvaridi — Dubayga sayohat

Dubayga borganda borish va ko‘rish tavsiya qilinadigan maskanlar haqida ma’lumot berib o‘tamiz.

Arabian tea house

Foto: Harper’s Bazaar

Dubay tumanining Al-Fahidi ko‘chasida joylashgan choy uyiga tashrif buyurgan sayyohlar sut va ziravorlar qo‘shilgan mahalliy karak choyni ichib ko‘rishi mumkin. Daraxtlar soyasida bir piyola choydan bahramand bo‘lish uchun ostona hatlab o‘tganingizdan keyin, arabcha milliy koloritni his qilishingiz mumkin.

Brunch &Cake

Foto: Harper’s Bazaar

All-day’ning tamoyili asosida ishlaydigan Barselona restorani menyusidagi taomlarning xilma-xilligi bilan mashhur sanaladi. Oshpazlar nafaqat eng sara, balki foydali bo‘lgan taom va yeguliklarni ham taqdim qiladi.

Fnajeen

Foto: Harper’s Bazaar

Iroqning Samad restorani filialida arab va boshqa davlatlar oshxonalariga xos taomlarni uchratish mumkin. Ulardan eng mashhuri an’anaviy retseptga asosan tayyorlanadigan baliq maskuf hisoblanadi.

Mondoux

Foto: Harper’s Bazaar

Fransuz taomlarini o‘zida mujassam qilgan kafe gurmanlar e’tiboridan chetda qolmasligi aniq. Muassasa konsepsiyasi sog‘lom, foydali va sifatli tayyorlangan ovqat hamda ichimliklarni mijozlar e’tiboriga havola etishga asoslangan.

Kelajak muzeyi

Foto: Harper’s Bazaar

Dubai Future Foundation jamg‘armasi tomonidan tashkil qilingan muzey o‘zida dunyodagi eng innovatsion ixtiro va loyihalarni o‘z ichiga oladi. Unda so‘nggi texnologiyalar haqida turli kurs, seminar va leksiyalar o‘tkazish rejalashtirilgan.

Qahva museyi

Foto: Harper’s Bazaar

Al-Fahidi shahrining tarixiy kvartalida joylashgan muzey tashrif buyuruvchilarga turli mamlakatlardagi qahva bilan bog‘liq an’analar haqida hikoya qiladi.

Hatta Damani Lodges va Hatta Sedr Trailers

Foto: Harper’s Bazaar

Hatta Damani Lodges va Hatta Sedr Trailers ekoturizmni sevuvchilar uchun ayni muddao. Mehmonlar jihozlangan chodirlardan tortib, maxsus terassasi bor treylerlarni xohishlariga qarab turli xil variantlarini tanlashlari mumkin.

Hatta Wadi Hub

Foto: Harper’s Bazaar

Ekstrimni sevuvchilar va yovvoyi tabiatda dam olishni yoqtiradiganlar uchun tog‘li hududda joylashgan maskan eng yaxshi tanlov. Bu yerda go‘zal manzarani tomosha qilish bilan birga kamondan o‘q otish, kanatda uchish va shu kabi boshqa mashg‘ulotlar bilan shug‘ullanish mumkin. Shuningdek, tashrif buyuruvchilar tog‘ velosipedlarida uchishi, Osiyodagi eng birinchi suvga sakrash Hatta Drop-in bog‘iga borishi ham mumkin.

Hatta heritage village

Foto: Harper’s Bazaar

2001-yil obdon rekonstruksiya qilinganidan keyin ochilishi bo‘lgan tarixiy qishloqda o‘ziga xos qadimiy atmosferani his qilish, mahalliy urf-odatlarga guvoh bo‘lish mumkin.

Arabian Adventures

Foto: Harper’s Bazaar

Tepaliklarni zabt etish va an’anaviy arabcha kechki ovqatdan bahra olish bilan birga mehmonlar ohular bilan selfi tushishi mumkin.

Gold Souq

Foto: Harper’s Bazaar

Tilla bozorida nafaqat turli-tuman taqinchoqlar, balki BAAning bozorlariga xos asl muhitni ham his qilish mumkin. Mijozlar e’tiboriga klassik zargarlik buyumlaridan tortib shayxlarga xos taqinchoqlar ham taqdim qilinadi.

Spice Souq

Foto: Harper’s Bazaar

Ziravorlar bozori o‘ziga xos ko‘rinish va xushbo‘y iforlarni birlashtirgan maskan, eng mashhur suratbop joylardan biri sanaladi.

La Mer

Foto: Harper’s Bazaar

Mazkur zamonaviy tumanda kezgan sayyohlar devorlardagi rang-barang graffitilar fonida suratga tushishi mumkin.

Dubai Frame

Foto: Harper’s Bazaar

Dubay romi o‘tmishni hozirgi zamon bilan birlashtirgan eng o‘ziga xos loyihalardan biri sanaladi. Uning bir tomonidan turib futuristik ko‘rinishdagi shahar, ikkinchi tomonidan esa eski shaharga xos muhitni mujassam qilgan tumanlarni tomosha qilsa bo‘ladi.