Kospet компанияси ўзининг янги Optimus 2 «ақлли» соатларини 250 доллар қийматида тақдим этади, аммо дастлабки харидорларга у чегирма билан 180 доллар эвазига сотилади, деб хабар беради IXBT.
Kospet Optimus 2 соатига металл ҳошия билан ўралган 1,6 дюймли IPS дисплей ўрнатилган. Бу 13 мегапикселли буриладиган камера ўрнатилган дунёдаги биринчи «ақлли» соат ҳисобланади. Камера чақноқ билан жиҳозланган бўлиб, у фонар вазифасини бажара олади, шунингдек, 1080p сифатли видеони тасвирга олиш имконини берадиган Sony IMX214 датчиги ҳам мавжуд. Уни 90 даражага бурган ҳолда видеоалоқа ёки оддий фото ва видео яратишда фойдаланиш мумкин.
Kospet Optimus 2’га бир кристалли MediaTek Helio P22 тизими ва PixArt PAR2822 чипи ўрнатилган. SoC Helio P22 барча интеллектуал ва мураккаб маълумотларни қайта ишлайди, PixArt эса Bluetooth уланиш, шунингдек, спорт маълумотларини йиғиш ва қайта ишлашни оптималлаштиришга хизмат қилади. Бу ишончли ва барқарор уланишни, кам энергия сарфланишини ва автономликнинг ошишини таъминлайди.
«Ақлли» соатлардан икки хил режимда фойдаланиш мумкин: Android ва Lite режимида. Android режими барча функция ва дастурларни ишга туширса, Lite фақат қўнғироқларни амалга ошириш, SMS юбориш ва жисмоний фаолликни кузатади.
Соатларга сиғими 1250 мА/соатга тенг литий-полимерли батарея ўрнатилган бўлиб, у Lite режимида 5 кун автоном ишлашни, Android режимида эса 2 кун ишлашни таъминлайди. Соатларга 4 гигабайт тезкор ва 64 гигабайт ички хотира ўрнатилган. «Ақлли» соатлар ҳеч қандай муаммосиз уч ўлчамли онлайн ўйинларни ишга тушира олади, катта ҳажмдаги файл ва тасвирларни сақлайди.
Соатлар 30 дан ортиқ спорт режимини қўллаб-қувватлаб, 24/7 режимда қондаги кислород миқдорини ўлчайди. Kospet Optimus 2 Android 10,7 ёрдамида бошқарилади, GPS, 4G, Vо-LTE функцияларига эга.
Аввалроқ Xiaomi камера, 4G ва кенг сиғимли аккумуляторга эга «ақлли» соатини 60 доллардан арзонроққа сотишни бошлагани тўғрисида хабар берилганди.
Изоҳ (0)