2020 йилнинг ёзида Xiaomi Mi 10 Ultra смартфони расман тақдим этилишидан олдин интернетда ушбу қурилма қутисидан олинаётгани тасвирланган видеоролик пайдо бўлган эди. Кейинроқ бу смартфонни тест қилиш учун биринчилардан бўлиб қўлга киритган ва у ҳақида маълумот тарқатмаслик тўғрисида битим имзолаган блогерларнинг айби билан амалга ошгани маълум бўлган, деб хабар беради IXBT.
Ҳозирга келиб вазиятга бутунлай ойдинлик киритилди: блогер очиқ хат билан мурожаат қилиб, хатога йўл қўйганини ва Xiaomi билан имзоланган махфийлик битимини бузганини тан олган.
Эълон қилинган маълумотларга кўра, блогер Xiaomi’га 150 минг долларга яқин жаримани 30 кун ичида тўлаши керак. шунингдек, суд блогер Xiaomi’дан оммавий узр сўраши кераклигини белгилаб қўйган — у буни амалга оширган.
«Ушбу иш Хитой халқаро иқтисодий ва савдо арбитраж комиссияси томонидан кўриб чиқилган ва менинг ҳаракатларим махфийлик сиёсатини бузиш дея топилди ҳамда жиддий оқибатларга олиб келди. Xiaomi компенсация ундириши керак. Мазкур қарорга қўшиламан ва тегишли масъулиятни зиммамга олишга тайёрман. Менга улкан ишонч билдирган Xiaomi ва унинг бош директори Лей Цзюнюга чин кўнгилдан миннатдорчилигимни билдираман ва улардан узр сўрайман», — дейди блогер.
Унинг аниқлик киритишича, видеороликни у эмас, балки компьютеридан фойдалана оладиган онаси эълон қилиб юборган. Аёл видеороликни тармоққа қасддан жойламаганини тан олган, шу билан бирга, у бу каби муҳим маълумотни ошкор қилмаслик бўйича битим имзоланганидан бехабар бўлган.
Изоҳ (0)