Катталиги икки футбол майдонига қиёсланаётган астероид 25 июнь куни Ерга максимал даражада яқинлашади. Бу ҳақда NASAнинг Ерга яқин макондаги объектларни тадқиқ қилиш маркази (CNEOS) веб-сайтида хабар берилди.
Хабарга кўра, 441987 (2010 NY65) деб номланадиган астериоднинг диаметри тахминан 228 метрни ташкил қилади. Самовий жисм биринчи марта 2010 йилнинг июлида аниқланган ва ўшандан буён кузатиб келинмоқда.
NASA аниқлик киритишича, астероиднинг Ерга нисбатан учиш тезлиги 13,35 километр/секунд ёки 13 300 километр/секундни, Қуёш атрофида айланиш даври эса 3685 Ер кунини ташкил этади.
Объектнинг Ерга энг яқин келадиган нуқтаси сайёрамиздан 5,8 миллион километр узоқликда бўлиб, бу Ердан Ойгача бўлган масофадан 15 баравар кўп.
Аввалроқ 1 июнь куни Эйфель минораси катталигидаги астероид Ер яқинидан учиб ўтиши хабар берилганди. NASA ушбу астероидни потенциал хавфли астероидлар сирасига киритган.
Шунингдек, Ерга Хеопс пирамидасидан каттароқ астероид яқинлашгани, АҚШда Ерга жуда яқин масофадан учиб ўтган метеорит видеога олингани, Хитойга улкан метеорит қулагани ҳақида хабар берилганди.
Изоҳ (0)