Корея Меҳнат партияси бош котиби Ким Чен Ин партия Марказий қўмитаси пленумида мамлакат партия раҳбарлиги остида ҳозирги ва бўлғуси қийинчиликларнинг барчасини енгиб ўтишига сўз берди. Бу ҳақда Корея Марказий телеграф агентлигига таяниб, «Интерфакс» хабар бермоқда.
«Бош котиб Корея Меҳнат партияси Марказий қўмитаси номидан тантанали қасамёд қилиб, партия инқилоб йўлидаги барча қийинчиликларни, албатта, енгиб ўтишига, келажакда қандай мураккабликларга дуч келишидан қатъи назар, инқилоб ғоясига оғишмасдан содиқ қолишга ваъда берди», — дейилади агентлик хабарида.
Партия Марказий қўмитасининг 15 июнь куни очилган пленуми 18 июнь куни ўз ишини якунлади. Тўрт кун мобайнида партия қурилиши масалалари, мамлакат иқтисодиётидаги вазият, ташқи сиёсий муаммолар кўриб чиқилди.
Аввалроқ ушбу пленум давомида Ким Чен Ин Шимолий Корея АҚШ билан ҳам мулоқотга, ҳам қарама-қаршиликка тайёр туриши кераклигини таъкидлаб ўтган эди.
Шунингдек, КХДР раҳбари мамлакатга озиқ-овқат танқислиги таҳдид солаётганини маълум қилганди.
Изоҳ (0)