Мол гўшти, ловия ва булғор қалампиридан хуштаъм таом тайёрлаймиз

Кечки овқат учун қандай таом тайёрлашни ўйлаётган бекажонлар учун қуйидаги рецепт манзур келиши шубҳасиз.

Керакли маҳсулотлар:

• шакар – 1-2 ош қошиқ;
• соя соуси – 6 ош қошиқ;
• лайм шарбати – 3 ош қошиқ;
• чили кукуни – 1 чой қошиқ;
• саримсоқ – 6-8 бўлак;
• ёнғоқ мойи – 4 ош қошиқ;
• стейк учун мўлжалланган мол гўшти – 300-400 грамм;
• музлатилган ловия – 250 грамм;
• қизил ёки сариқ булғор қалампири – 1-2 дона;
• маккажўхори крахмали – 2 чой қошиқ;
• кўк пиёз, туз ва зираворлар.

1. Шакар, соя соуси, лайм шарбати, чили ва майдаланган саримсоқ аралаштирилади.
2. Аралашмани кўпиртириш давомида 3 қошиқ ёғ оз-оздан қуйилади.
3. Мол гўшти сомонча шаклида тўғраб олинади.
4. Сояли аралашмада мол гўшти 15-20 дақиқа давомида маринадланади.
5. Товага ёғ қуйиб, ўртача оловда қиздирилади.
6. Гўшт қизаргунга қадар 2 дақиқа давомида қовурилади. Сўнгра  алоҳида идишга олинади.
7. Сомонча шаклида тўғралган яшил ловия ва булғор қалампири солинади, таъбга кўра пиёз ҳам қўшиш мумкин. 3-5 дақиқа давомида қовурилади.
8. Идишда қолдирилган сояли аралашмага крахмал қўшиб, яхшилаб аралаштирилади.
9. Сўнгра товадаги маҳсулотларга қўшиб, қуюқлашгунга қадар пиширилади.
10. Устидан пишириб олинган мол гўшти қўшилади ва 30 сонияга қолдирилади. Тайёр бўлган таомни кўкпиёз билан безатиб, дастурхонга тортилади.