20 дақиқада товада тайёрланадиган мазали стейк рецепти

Тезпишар ва мазали егулик бир зумда дастурхонингизда ҳозир бўлади.

Керакли маҳсулотлар:

• стейк учун мўлжалланган мол гўшти – 2 дона;
• саримсоқ – 2 бўлак;
• сариёғ – 2 ош қошиқ;
• ўсимлик ёғи  – 1/2 ош қошиқ;
• тимьян, туз ва зираворлар.

1. Гўшт яхшилаб ювилиб, қоғоз салфеткалар ёрдамида қуритилади ва туз, зираворлар сепилади.
2. Това ўртача оловда қиздирилиб, ўсимлик ёғи қуйилади.
3. Гўштнинг ҳар икки томони 3-4 дақиқадан қизаргунга қадар қовурилади. Ён томони эса 1 дақиқа давомида пиширилади.
4. Сўнгра товага тўғралган саримсоқ, зира ва сариёғ қўшилади.
5. Сариёғ эригач, у гўшт устига қуйилади ва яна бир неча дақиқа пиширилади.
6. Тайёр бўлган стейклар алоҳида идишга олинади ва 10 дақиқага фольга қоғозига ўралади.
7. Таомни таъбга кўра безатиб, дастурхонга тортиш мумкин.