Президент Шавкат Мирзиёев Тожикистоннинг давлат мукофоти – биринчи даражали «Зарринтож» ордени билан мукофотланди. Бу ҳақда Президент матбуот хизмати хабар қилди.

Орденни Ўзбекистон Президентига Эмомали Раҳмон тантанали равишда топширди.

Эслатиб ўтамиз, 10 июнь куни Тожикистонга ташриф буюрган Шавкат Мирзиёев Душанбеда тантанали кутиб олинди. Икки давлат раҳбарлари аввал тор, сўнгра кенгайтирилган тартибда йиғилиш ўтказди.

Икки мамлакат ўртасида жами 35 та ҳужжат имзоланди.