Twitter пулли обунани синовдан ўтказмоқда. Бу ҳақда Twitter’нинг синов доирасида биринчи обуначига айланган мобил дастурлар тадқиқотчиси ва блогер Жейн Манчун Вонгга таяниб, Esquire хабар берди.
Ижтимоий тармоқнинг пулли версияси Twitter Blue деб аталади ва обуна нархи ойига 2,99 долларни ташкил этади.
Пулли обуначилар твитларни «закладка»ларга сақлаб қўйиши, шунингдек, йўлланган постларни бекор қилиши мумкин. Бундан ташқари, фойдаланувчи твитлар шохларини «ўқиш осон матнга айлантирадиган» режимни ишлата олади.
Пулли версия орқали дастур рангини сариқ, қизил, бинафшаранг, тўқ сариқ ёки яшилга ўзгартириш мумкин. Шунингдек, обуначилар иконкалар рангини ҳам ўзгартира олади. Стандарт кўк рангдан ташқари, пушти, ёрқин пушти, бинафшаранг, яшил, тўқ сариқ, қора ва бинафша-кўк ранглар ҳам бўлади.
Эслатиб ўтамиз, Twitter февраль ойида Super Follow номи остида ўзининг биринчи пулли версиясини тақдим этган эди. Ўшада унинг нархи ойига 4,99 доллар бўлиши айтилганди.
Мавзуга доир: YouTube барча видеоларга реклама қўйишни бошлайди
Изоҳ (0)