Янги Poparazzi ижтимоий тармоғи App Store мобил дастурлар дўкони рейтингида энг кўп юклаб олинган дастурлар орасида биринчи ўринни эгаллади. Дастур Instagram принципи бўйича ишлайди, фақат фойдаланувчилар ўз профилини суратлар билан тўлдириб ташлай олмайди, буни унинг дўстлари амалга оширади, деб хабар беради Hi-Tech.Mail.ru.
Бошқа одамлар дўстларининг суратларини унчалик танлаб ва қайта ишлаб ўтирмайди ёки фильтрлардан фойдаланавермайди. Шу сабабли Poparazzi ижтимоий тармоғи Instagram ва бошқа ижтимоий тармоқларга қараганда анча табиий ҳамда «жонли» бўлиши кутилмоқда.
Шу билан бирга, фойдаланувчилар барибир ўз суратларини юклай олади, аммо дўстларининг лентасида бегона суратлар каби камдан кам ҳолларда кўриниш беради. Бироқ бу ерда ҳам маълум чеклов бор — суратни эълон қилгунга қадар фильтрлардан фойдаланиш мумкин эмас, постлар остига изоҳ қолдириб бўлмайди ва бошқа фойдаланувчилар ҳам обуначилар сонини кўра олмайди.
Янги ижтимоий тармоқ ҳозиргидек ўсиш суръатини ушлаб қолиши ва бошқа мамлакатларда ҳам машҳурликка эришиш, эришмаслиги — номаълум. Poparazzi’нинг тўлиқ ишга туширилиши 24 май куни амалга оширилган бўлиб, унинг ҳозирча фақат iPhone’лар учун версияси чиққан.
Мавзуга доир: АҚШдаги iPhone фойдаланувчилари ўтган йил давомида мобил дастурлар учун ўртача 138 доллар сарфлаган
Изоҳ (0)