Legо компанияси ҳозирга қадар ўзи томонидан яратилган энг катта жамланмани тақдим этади. У конструктордан дунё харитасини яратишга ёрдам беради, деб ёзади Esquire.
Lego Аrt линейкасини тўлдирадиган жамланма 11 695 элементдан иборат. Йиғиладиган панно (деворий тасвир) ўлчами 104х65 сантиметрни ташкил этади.
Дунё харитасини турли усуллар ёрдамида йиғиш мумкин. Lego қайси қитъа марказдан ўрин олишини мустақил танлаш, шунингдек, фантазияни ишга солиш ва океанларни йиғишда нақшлардан фойдаланиш имкониятларини таклиф этади.
Жамланмадан қўлланма, харитани жойлаштириш учун ром ва махсус қотиргичлар ўрин олган. 1 июндан уни «Кубиклар олами» дўконларидан, 1 августдан эса Wilfberries ва Оzon орқали харид қилиш мумкин. Жамланма нархи — 22 999 рубль (313 доллар).
Аввалроқ Lego Таnos’нинг «чексизлик қўлқопи»ни, шунингдек, гул ва ўсимликлар териш мумкин бўлган ботаник жамланмани тақдим этгани тўғрисида хабар берилганди.
Изоҳ (0)