Лего компанияси Marvel оламининг янги жамланмасини тақдим этди. Унда «Қасоскорлар: Чексизлик уруши» ва «Қасоскорлар: Финал» фильмларидаги «чексизлик қўлқопи»ни кўриш мумкин. Унинг ёрдамида Танос коинотдаги барча тирик мавжудотнинг ярмини қириб юборган, деб хабар беради «Afisha.uz».
Жамланма 590 та майда қисмлардан, жумладан, олтита «чексизлик тошлари»дан иборат. Жамланма билан бирга, қўлқопни жойлаштириш учун махсус таглик ҳам етказиб берилади.
Йиғилган ҳолатда қўлқоп узунлиги 32 сантиметрга етади. Бармоқлар конструкцияси қимирлагани сабаб худди Танос каби бармоқлар ёрдамида «чертиш»ни амалга ошириш мумкин.
Янги жамланма 70 доллар нархида 1 августдан сотувга чиқади. Бироқ уни ҳозирдан буюртма қилиш мумкин.
Аввалроқ Лего гул ва ўсимликлар териш мумкин бўлган ботаник жамланмани тақдим этгани тўғрисида хабар берилганди.
Изоҳ (0)