Twitter pulli obunani sinovdan o‘tkazmoqda. Bu haqda Twitter’ning sinov doirasida birinchi obunachiga aylangan mobil dasturlar tadqiqotchisi va bloger Jeyn Manchun Vongga tayanib, Esquire xabar berdi.
Ijtimoiy tarmoqning pulli versiyasi Twitter Blue deb ataladi va obuna narxi oyiga 2,99 dollarni tashkil etadi.
Pulli obunachilar tvitlarni “zakladka”larga saqlab qo‘yishi, shuningdek, yo‘llangan postlarni bekor qilishi mumkin. Bundan tashqari, foydalanuvchi tvitlar shoxlarini “o‘qish oson matnga aylantiradigan” rejimni ishlata oladi.
Pulli versiya orqali dastur rangini sariq, qizil, binafsharang, to‘q sariq yoki yashilga o‘zgartirish mumkin. Shuningdek, obunachilar ikonkalar rangini ham o‘zgartira oladi. Standart ko‘k rangdan tashqari, pushti, yorqin pushti, binafsharang, yashil, to‘q sariq, qora va binafsha-ko‘k ranglar ham bo‘ladi.
Eslatib o‘tamiz, Twitter fevral oyida Super Follow nomi ostida o‘zining birinchi pulli versiyasini taqdim etgan edi. O‘shada uning narxi oyiga 4,99 dollar bo‘lishi aytilgandi.
Mavzuga doir: YouTube barcha videolarga reklama qo‘yishni boshlaydi
Izoh (0)