Бен Гескин исмли блогер Xiaomi Mi 11 Ultra смартфонидаги «супер ой» режимининг ноодатий ишлаш принципига эътибор қаратди. Маълум бўлишича, смартфон томонидан олинган якуний сурат сифатли кўриниши учун Ойнинг бошқа тасвиридан фойдаланади, деб ёзмоқда Hi-Tech.Mail.ru.
Афтидан Ойни суратга олиш режимида смартфон кадрда Ернинг табиий йўлдошини танийди ва суратни бошқасига алмаштиради — у ҳатто ҳақиқийсига у қадар ўхшаш бўлмаса ҳам. Тасвир сақлангач, унинг қанчалик ўзгаришини қуйидаги видео орқали кўриш мумкин.
Замонавий смартфонлар нафақат янги матрица ва оптика технологиялари, балки дастурий жиҳатдан қайта ишлаш ҳисобига ҳам яхшироқ суратга олишни бошлади. Аммо одатда улар камера сенсоридан олинган маълумотлар билан ишлайди, бу ерда эса смартфон Ойнинг бошқа суратини оригинал сурат устига қўяди.
#Mi11Ultra Moon pic.twitter.com/5JU2HlR4P4
— Ben Geskin (@BenGeskin) May 26, 2021
Ойни суратга олишга мўлжалланган махсус режимлар кўплаб замонавий Android смартфонларга пайдо бўлишни бошлаган. Замонавий мобил камераларнинг оптик комбинацияси ва дастурий зуми табиий йўлдош юзасига яқинлашиш учун етарли.
Эслатиб ўтамиз, Xiaomi Mi 11 Pro ва 11 Ultra компания томонидан март охирида ўтказилган кенг кўламли тақдимотда намойиш этилганди. Смартфонлар кремний-кислородли анодга эга янги турдаги аккумулятор ҳамда Xiaomi тарихида биринчи бор IP68 стандарти билан жиҳозланган.
Изоҳ (0)