YouTube 1 июндан сервисдаги барча роликларга прерол деб аталувчи қисқа видео ва бошқа турдаги рекламалар жойлаштиришини расман маълум қилди, деб хабар беради Hi-Tech.Mail.ru.
Авваллари ролик муаллифларида реклама «вставкалари»ни ролик аввали ва унинг ичида монетизация кўринишида ёқиш имконияти бўлган. Эндиликда реклама монетизацияга уланмаган ёки бошқа йўллар билан пул ишлаш мақсадида у рад этилган бўлса ҳам, кўрсатилади. Реклама ҳар қандай ҳолатда намойиш этилади.
Alphabet холдинг таркибига кирувчи Google YouTube сервиси пайдо бўлганидан буён даромад келтириш ёки келтирмаслигини маълум қилмаган. 2020 йилда компания биринчи бор видеохостинг кўрган фойдани эълон қилди — бу йилига 15 миллиард доллар (Alphabet кўрган фойданинг 10 фоизи).
2015 йилда The Wall Street Journal газетасида YouTube’нинг молиявий ҳолати ҳақида катта мақола чиққан эди — ўшанда Google учун ушбу лойиҳа бироз зарар келтирган. Вазият шундан буён ўзгарган ёки ўзгармагани номаълум.
Тахминларга кўра, YouTube ҳамон зарарига ишламоқда ёки «нолга кириш» чегарасида. Барча роликларга реклама қўйиш қарори эса компаниянинг вазиятни ўзгартиришга бўлган интилишини ифодалайди. Шу билан бирга, сервис қўшимча равишда фойдаланувчиларга YouTube Premium’га пулли обуна бўлишни таклиф этади. Пулли обуна орқали роликларни юклаб олиш ва рекламасиз томоша қилиш мумкин.
Изоҳ (0)