Картошка ва қўзиқорин билан қовурилган лавашли рулет рецепти

Ушбу егулик иссиқ ва совуқ ҳолида ҳам бирдек мазали бўлади.

Керакли маҳсулотлар:

• картошка – 450 грамм;
• сариёғ – 1-2 ош қошиқ;
• қўзиқорин – 300 грамм;
• пиёз – 2 та;
• ўсимлик мойи – 4 ош қошиқ;
• лаваш – 1 дона;
• тухум – 1-2 дона;
• кўкат, туз ва зираворлар.

1. Картошка қайнатиб олинади ва пюре қилиш учун сариёғ қўшилади.
2. Қўзиқорин кичик бўлакларга бўлинади ва пиёз майда тўғралади.
3. Қозонга ўсимлик ёғи қуйилиб, пиёз қовурилади. Устидан қўзиқорин солиниб, 5-6 дақиқа пиширилади. Сўнгра туз ва зираворлар ҳамда картошка пюреси қўшиб, яхшилаб аралаштирилади ва совутишга қўйилади.
4. Лаваш хамири тенг икки бўлакка бўлинади. Юзасига ёғ суртиб, қўзиқоринли «начинка» солинади ва хамир рулет шаклида айлантирилади. Сўнгра иккинчи хамир ҳам шу тарзда ўралади.
5. Лавашли ўрама рулет шаклида кесиб олинади. Тухум чақилиб, туз билан аралаштирилади.
6. Товада ўсимлик ёғи қиздирилиб, рулетлар тухумга ботириб олинади ва икки томони қизаргунга қадар қовуриб олинади.