Италиянинг Fendi модалар уйи фотокамера ва оптика ишлаб чиқариш билан шуғулланувчи Polaroid компанияси билан ҳамкорликда Vintage Polaroid OneStep Close-Up 600 номли моделни тақдим этди. Ушбу камера Polaroid 600 плёнкасида ишлайди ва қўлда бошқарилувчи чақноққа эга, деб хабар беради Esquire.
Шакли жиҳатидан қурилма 1990 йиллардаги оригинал камерани такрорлайди, бироқ корпуси иккиталик F ҳарфи шаклидаги турли рангларга эга Fendi монограммалари билан қопланган. Ушбу дизайнни Нью-йорклик рассом Сара Коулман ўйлаб топган: у монограмма нақшини худди «балиқ кўзи» объективи орқали суратга олгандай, ўзгартириб кўрсатган.
Камеранинг ўзи ҳар қандай вазиятда суратга олишни амалга ошира олмайди — Polaroid 600 плёнкасига «проявка» учун камроқ ёруғлик керак. Фотоаппаратга 120 сантиметрдан бошланувчи фокусли 110 миллиметрли объектив ўрнатилган ва у 60—120 сантиметр оралиғида макросуратга олишга мўлжалланган объективга эга.
Камерани Fendi сайти орқали онлайн томоша қилиш, бренднинг бутун дунёдаги дўконлари орқали 950 доллар эвазига харид қилиш мумкин.
Аввалроқ Polaroid «Юлдузлар жанги» мавзусидаги камера ва фотоплёнкани тақдим этгани тўғрисида хабар берилганди.
Мавзуга доир: Дунёдаги энг кичкина Polaroid камера яратилди
Изоҳ (0)