Yangi Poparazzi ijtimoiy tarmog‘i App Store mobil dasturlar do‘koni reytingida eng ko‘p yuklab olingan dasturlar orasida birinchi o‘rinni egalladi. Dastur Instagram prinsipi bo‘yicha ishlaydi, faqat foydalanuvchilar o‘z profilini suratlar bilan to‘ldirib tashlay olmaydi, buni uning do‘stlari amalga oshiradi, deb xabar beradi Hi-Tech.Mail.ru.
Boshqa odamlar do‘stlarining suratlarini unchalik tanlab va qayta ishlab o‘tirmaydi yoki filtrlardan foydalanavermaydi. Shu sababli Poparazzi ijtimoiy tarmog‘i Instagram va boshqa ijtimoiy tarmoqlarga qaraganda ancha tabiiy hamda “jonli” bo‘lishi kutilmoqda.
Shu bilan birga, foydalanuvchilar baribir o‘z suratlarini yuklay oladi, ammo do‘stlarining lentasida begona suratlar kabi kamdan kam hollarda ko‘rinish beradi. Biroq bu yerda ham ma’lum cheklov bor — suratni e’lon qilgunga qadar filtrlardan foydalanish mumkin emas, postlar ostiga izoh qoldirib bo‘lmaydi va boshqa foydalanuvchilar ham obunachilar sonini ko‘ra olmaydi.
Yangi ijtimoiy tarmoq hozirgidek o‘sish sur’atini ushlab qolishi va boshqa mamlakatlarda ham mashhurlikka erishish, erishmasligi — noma’lum. Poparazzi’ning to‘liq ishga tushirilishi 24-may kuni amalga oshirilgan bo‘lib, uning hozircha faqat iPhone’lar uchun versiyasi chiqqan.
Mavzuga doir: AQShdagi iPhone foydalanuvchilari o‘tgan yil davomida mobil dasturlar uchun o‘rtacha 138 dollar sarflagan
Izoh (0)