Олимлар бир вақтнинг ўзида битта қўлда қаҳва идишини ушлаб, шу қўлнинг ўзида қошиқча билан унинг ичини аралаштиришга ёрдам берадиган ноодатий қурилма — қўшимча катта бармоқни яратди, деб хабар беради Hi-Tech.Mail.ru.
Ушбу катта бармоқни тестдан ўтказишга рози бўлган 36 нафар кўнгилли кунига уч соат давомида уни тақиб юриб, кундалик ҳаётда бу каби қурилманинг фойдаси тегиши мумкин бўлган кўп нарсаларни аниқланган. Девайс жимжилоқ бармоқ остига жойлаштирилиб, тасмалари билан билакка боғлаб қўйилган.
Маълум қилинишича, қўшимча бармоқ ҳаракати фойдаланувчи оёғининг бош бармоғига қотирилган датчиклар ёрдамида бошқарилган, алоқа эса билак ва тўпиққа бириктирилган симсиз технология орқали амалга оширилган. Одамлар оёқ бармоғини қимирлатиш орқали қўлдаги қўшимча бармоқни турли йўналишларга буриши ёки унинг ушлаб туриш кузини ўзгартириши мумкин бўлган.
Ноодатий девайсни Лондон коллежидан бўлган Дэниэл Клоуд исмли олим ҳамкасблари билан яратган. Олимларнинг таъкидлашича, кўнгилликлар қўлдаги яна битта катта бармоққа жуда тез ўрганганидан ҳайратга тушган.
Аввалроқ Австралияда олма теришга қодир робот, Испанияда эса паэлья тайёрлашга қодир дунёдаги биринчи робот-қўл яратилгани тўғрисида хабар берилганди.
Изоҳ (0)