Sensor Tower tomonidan o‘tkazilgan yangi tadqiqotga ko‘ra, 2020-yilda iPhone foydalanuvchilari turli mobil dasturlar va o‘yinlarni xarid qilishga o‘rtacha 138 dollar sarflagan, deb xabar beradi IXBT. Bu undan oldingi ko‘rsatkichga qaraganda 38 foizga ko‘p.
Foto: IXBT
2020-yil App Store uchun rekord darajada xarajatli bo‘ldi: bitta iPhone foydalanuvchisiga har qachongidan ko‘proq mablag‘ sarflangan. 2016-yilda App Store’dagi savdolar 42 foizni tashkil oshgan bo‘lishiga qaramay, 2020-yildagi 38 foizli ko‘rsatkich 2018-yildan 2019-yilgacha bo‘lgan 27 foizli o‘sishdan sezilarli darajada ko‘p.
Xususan, 2020-yilda bitta qurilma hisobidagi mobil o‘yinlar xarajati keskin ortgan — 2019-yilgi 53,8 dollardan 76,8 dollarga, ya’ni yillik hisobda 43 foiz. Mobil o‘yinlar orasida eng ko‘p xarajat Candy Crus Saga va Gardenscapes kabi boshqotirmalar toifasiga sarflangan. Mobil o‘yinlardan tashqari, boshqa ko‘ngilochar o‘yinlar xarajati ham oshgan — o‘rtacha 26 foiz.
Bu 2020-yilda mobil qurilmalar egalari sog‘liqni saqlash sohasidagi global inqiroz vaqtida ko‘proq pul sarflaganidan dalolat beradi. Hozircha ushbu raqobat 2021-yilda ham saqlanib qolish-qolmasligi noma’lum.
Avvalroq AQShda Telegram’ni Google Play dasturlar do‘konidan o‘chirib tashlash talab qilingani, Pavel Durov foydalanuvchilarni Android foydasiga iOS’dan voz kechishga chaqirgani to‘g‘risida xabar berilgandi.
