Жазоирда қум бўрони содир бўлди, шиддатли шамол кўп миқдордаги чанг ва қумни ҳавога кўтарди, деб ёзмоқда The Watchers.
Фотограф Карим Бушетатнинг таъкидлашича, бўрон 23 май куни маҳаллий вақт билан соат 17:45 да бошланди ва Наама провинциясининг Айн-Сефра муниципалитети осмони қизил тусга кириб, кўриш имкониятини чеклаб қўйди.
Унинг сўзларига кўра, кучли чанг бўрони, тахминан, бир соат давом этди.
Аввалроқ Ҳиндистоннинг ғарбидаги Тауктае циклони оқибатида юздан ортиқ одам ҳаётдан кўз юмгани ҳақида хабар берилди. Мумбай соҳилларида жойлашган, бортида 261 киши бўлган кема чўкиб кетди. Ҳиндистон флоти 37 кишининг ҳалок бўлганини, 38 кишининг бедарак йўқолганини, қолганлар эса қутқариб олинганини тасдиқлади.
Хитойнинг шимолидан ҳам бўрон олиб келган қум зарралари билан ифлосланиш оқибатида Пекин шаҳрининг осмони сариқ тусга кирди. Таъкидланишича, ҳаводаги қум миқдори ўтган ойда Хитойнинг шимолида содир бўлган иккита қум бўронига қараганда камроқ, лекин шамол тезлиги юқорироқ бўлди.
Изоҳ (0)